Hienprakuror Švied u minułym hodzie staŭ nie prosta doktaram navuk, a «najlepšym» va ŭsioj krainie
U Vyšejšaj atestacyjnaj kamisii (VAK) Biełarusi praviali štohadovy konkurs dysiertacyj. Pieramožcam u naminacyi «Sacyjalna-ekanamičnyja i hramadskija navuki» na najlepšuju doktarskuju dysiertacyju staŭ, pa viersii VAK, hienprakuror Andrej Švied.
9 lutaha 2022 hoda VAK prysudziła navukovuju stupień doktara navuk hienieralnamu prakuroru Biełarusi Andreju Šviedu za rabotu «Tearetyčnyja pieradumovy i prykładnyja aśpiekty realizacyi ŭ Respublicy Biełaruś adzinaj dziaržaŭnaj palityki ŭ śfiery sudova-ekśpiertnaj dziejnaści». Abarona dysiertacyi adbyłasia jašče 25 maja 2021 hoda.
Z 2013 pa 2020 hod Andrej Švied byŭ staršynioj Dziaržaŭnaha kamiteta sudovych ekśpiertyz Respubliki Biełaruś, i tema jahonaj dysiertacyi tłumačycca hetym.
Papiaredniuju, kandydackuju dysiertacyju Švied abaraniaŭ pa temie «Aktualnyja tearetyčnyja i praktyčnyja aśpiekty stadyi zaviadzieńnia kryminalnaj spravy». Na pasadzie hienieralnaha prakurora jon, treba dumać, šmat svaich napracovak taho času praktyčna skarystaŭ, bo zavodziŭ palityčna matyvavanyja spravy rekordnymi tempami. Najbolš viadomaja z takich spraŭ, zaviedzienaja hienieralnaj prakuraturaj, — kryminalnaja sprava ab «hienacydzie biełaruskaha naroda» ŭ hady Druhoj suśvietnaj vajny i paśla jaje.
Na mahilnym pomniku Makieja vybili častku šyfru kalinoŭcaŭ FOTA19
Kamientary
V jurisprudiencii znajetie vy tołk.
A ja prostoj ekstriemistskij zaklučionnyj,
I mnie tovariŝ bobrujskij sieryj vołk...
a što kali b im dom budavali, mašyny rabili, nie ŭličvajučy ci pieravaročvajučy ŭsie fizičnyja zakony dahary nahami, ježu rabili nie z narmalnych praduktaŭ, a z atruty? to bok heta adrazu b niesła zamiest biaśpieki i kamfortu niebiaśpieku i dyskamfort. takoje, jak jany ličać, takoje - narmalna?