Uładalnik Twitter Iłan Mask anansavaŭ maštabnaje abnaŭleńnie sacyjalnaj sietki. Siarod ich — zapusk doŭhich pastoŭ i vialikaje abnaŭleńnie interfiejsu.
Pavodle jaho słoŭ, na praciahu tydnia karystalniki sacsietki atrymajuć mahčymaść pierachodzić ad układki rekamiendavanych publikacyj da pastoŭ profilaŭ, jakija adsočvajucca, svajpami ŭleva i ŭprava, piša RBK-Ukraina.
Akramia taho, praz tydzień u Twitter źjavicca knopka zakładak, kab karystalniki zmahli zachoŭvać cikavyja dla ich publikacyi.
Pry hetym u pačatku lutaha čakajecca źniaćcie abmiežavańniaŭ na kolkaść znakaŭ u pastach.
Ciapier dopisy majuć abmiežavańnie ŭ 280 simvałaŭ — paśla taho, jak limit byŭ pavialičany sa 140 u 2017 hodzie. U pačatku śniežnia na pytańnie padpisčyka, ci praŭda, što Twitter maje namier pavialičyć kolkaść dazvolenych znakaŭ u tvitach z 280 da 4000, Mask adkazaŭ «tak».
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary