Sud u Bałharyi admoviŭsia vydać biełaruskamu režymu ŭkrainca, da jakoha chacieli daciahnucca praź Interpał
Rajonny sud u bałharskim horadzie Ruse admoviŭsia vydać Biełarusi ŭkrainca Dźmitryja Trafimčuka. Pra heta paviedamiła jaho advakatka. U pres-centry suda paćvierdzili rašeńnie, piša «Radyjo Svaboda».
Hramadzianina Ukrainy Trafimčuka zatrymali 19 listapada 2022 hoda na miažy pry sprobie ŭjechać u Bałharyju z Rumynii. Tady pamiežnaja palicyja vyśvietliła, što jon znachodzicca ŭ vyšuku Interpała pa zapycie Biełarusi. Razam ź im jechali žonka i troje dziaciej. Va Ukrainie siamja ŭžo nie maje doma, bo jaho razburyła bomba na pačatku vajny.
Zhodna z zajavaj Biełarusi ab zatrymańni, ukrainiec nibyta byŭ zamiešany ŭ schiemie kradziažu asabistych i bankaŭskich rekvizitaŭ zamiežnych hramadzian. Adnak, pa słovach samoha Dźmitryja i jaho žonki, sprava była sfabrykavanaja, a dokazy padtasavanyja.
Z taho času 38-hadovy mužčyna znachodziŭsia pad vartaj u Bałharyi. U pačatku śniežnia sud u Vialikim Tyrnavie adchiliŭ chadajnictva Trafimčuka ab vyzvaleńni pad chatni aryšt. Pryčyny palahali ŭ tym, što jon moh uciačy i schavacca.
30 śniežnia minułaha hoda rajonny sud horada Ruse razhledzieŭ zapyt ab ekstradycyi i admoviŭ u im.
Ułady Biełarusi nie mohuć zabiaśpiečyć pavahi da čałavieka ŭ turmach, tłumačyć sud svajo rašeńnie. Jon ličyć, što piśmovyja zapeŭnivańni Biełarusi ŭ tym, što Trafimčuk nie budzie ciarpieć hvałtu, katavańnia, žorstkaha, biesčałaviečnaha abo źnievažalnaha abychodžańnia, nie majuć značeńnia.
Pieršaha namieśnika hiendyrektara «Biełviesta» pasadzili na try z pałovaj hady za palityku5
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary