20 kastryčnika adbyłasia pres‑kanfierencyja, prymierkavanaja da nacyjanalnaha śviata Vienhryi — Dnia Revalucyi.
20 kastryčnika adbyłasia pres‑kanfierencyja, prymierkavanaja da nacyjanalnaha śviata Vienhryi — Dnia Revalucyi.
Adkazvajučy na pytańnie ab kantaktach ź biełaruskaj hramadskaściu, pasoł Vienhryi sp.Fieranc Kontra zaznačyŭ, što «dla nas majuć vialikaje značeńnie sustrečy ź siabrami niaŭradavych arhanizacyj, pryznanych i niepryznanych.
Hanarusia tym, što ŭ časie takich sustreč ja paznajomiŭsia sa šmatlikimi ludźmi, jakija myślać katehoryjami svabody słova i demakratyi. 20 hod tamu u Vienhryi adbyŭsia kruhły stoł pradstaŭnikoŭ ułady i apazicyi. U vyniku takich sustreč apazicyja pierastała być voraham. My navučylisia pavažać adzin adnaho…Jak pakazvaje vopyt, takija pracesy prajšli va ŭsich krainach centralnaj Jeŭropy. Sustrakacca z takimi ludźmi — adzin z pryjarytetnych nakirunkaŭ našaj pracy. Chaču adznačyć, što pradstaŭniki ŭłady nie zaŭsiody iduć na kantakt, u adroźnieńnie ad pradstaŭnikoŭ hramadskaści i palityčnaj apazicyi».
Spadar Kontra taksama acaniŭ pierśpiektyvy raźvićcia supracoŭnictva pamiž Biełaruśsiu i Vienhryjaj. Pavodle spadara pasła, takoje supracoŭnictva pavinna raźvivacca ŭ miežach supracoŭnictva Biełarusi i ES. Adnak,zaznačyŭ F.Kontra, «słovy razychodziacca z rečaisnaściu. Situacyju sa svabodaj ŚMI vam nie treba tłumačyć. Vy ŭsio sami viedajecie.
Kali žurnalistam nie dajuć svabodna pracavać, kali im zakryvajuć rukami kamiery, to heta vielmi pieraškadžaje raźvićciu supracoŭnictva pamiž našymi krainami».Aceńvajučy pierśpiektyvy ekanamičnaha raźvićcia, sp.Kontra źviarnuŭ uvahu na składanaść biełaruskaha ekanamičnaha zakanadaŭstva, jaho nieprazrystaść, što padryvaje aŭtarytet Biełarusi.
Razam z tym, F.Kontra adznačyŭ i niekatoryja pazityŭnyja kroki biełaruskich uładaŭ i nie vyklučyŭ mahčymaści ŭdziełu kiraŭnika Biełarusi A.Łukašenki ŭ nastupnym samicie «Uschodniaha partniorstva», jaki adbudziecca ŭ Budapiešcie. Pavodle spadara pasła, heta stanie mahčymym, kali Biełaruś budzie raźvivać svaje kroki ŭ nakirunku demakratyzacyi i libieralizacyi.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii52
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja2020
Kamientary