Pradstaŭnik ES: My publična nie abmiarkoŭvajem, čamu kahości niama ŭ sankcyjnych pakietach
U ES prakamientavali infarmacyju, što Biełaruś nie ŭklučyli ŭ papiaredni pakiet sankcyj nibyta pa prośbie Ukrainy. Pradstaŭnik ES pa źniešniepalityčnych pytańniach Pieter Stana, adkazvajučy na adpaviednaje pytańnie karespandentki Deutsche Welle ŭ Brusieli, praŭda, abyšoŭsia bolš ahulnymi słovami.
«My nie abmiarkoŭvajem publična detali, pracesy, a taksama pryčyny, pa jakich kaho-niebudź ci čaho-niebudź niama ŭ tym ci inšym pakiecie», — zajaviŭ Stana.
Pry hetym jon padkreśliŭ, što sankcyi, źviazanyja z ahresijaj Rasii suprać Ukrainy, pastajanna pierahladajucca.
«My budziem praciahvać adkazvać sankcyjami datul, pakul Rasija budzie praciahvać eskałacyju. My budziem praciahvać prymianiać sankcyi taksama ŭ dačynieńni da tych, chto dapamahaje i padtrymlivaje niezakonnyja dziejańni Rasii. Heta datyčyć Biełarusi, Irana, a taksama ludziej i arhanizacyj ź inšych krain, kali heta nieabchodna», — adznačyŭ pradstaŭnik ES.
Pra toje, što Biełaruś nie ŭklučyli ŭ papiaredni pakiet sankcyj pa prośbie Ukrainy, paviedamiŭ karespandent «Radyjo Svaboda» ŭ Brusieli Rykard Joźviak. Jahonyja słovy ŭžo abvierhła MZS Ukrainy, jakoje zajaviła, što paviedamleńni nie adpaviadajuć rečaisnaści.
Čytajcie taksama:
MZS Ukrainy: Infarmacyja pra patrabavańnie Kijeva nie ŭvodzić sankcyi suprać Biełarusi nie adpaviadaje rečaisnaści
Cichanoŭskaja: My razumiejem, što ŭłady Ukrainy nie chočuć pravakavać Łukašenku. Ale jon nie achviara
Joźviak: ES nie ŭvodzić sankcyi suprać režymu Łukašenki pa prośbie Ukrainy
Ciapier čytajuć
Zahinuŭ biełaruski dobraachvotnik Vasil «Dzir» Rapicki10
Kamientary