«Zbroja terarystaŭ». USU Ukrainy zajavili, što pa šmatpaviarchoviku ŭ Dniapry ŭdaryła rasijskaja rakieta Ch-22
Pradstaŭnik Pavietranych sił USU Juryj Ihnat zajaviŭ, što ŭ šmatpaviarchovy dom u Dniapry trapiła rasijskaja rakieta Ch-22, zapuščanaja bambardziroŭščykam Tu-22M3 z rajona Kurska i Azoŭskaha mora, piša BBC. Hetaja rakieta pryznačanaja dla źniščeńnia avijanosnych hrup u mory.
Rasija vykarystoŭvała hetyja rakiety dla ŭdaraŭ pa Ukrainie 5-ha, 12-ha i 29-ha śniežnia, a taksama jašče raniej. Rakieta takoha ž typu trapiła ŭ handlovy centr Kramienčuha ŭ lipieni — tady zahinuli 20 čałaviek. Siońnia Rasija zapuściła piać takich rakiet pa Ukrainie, dadaŭ Ihnat.
Pavodle apošniaj infarmacyi, u vyniku papadańnia rakiety pa šmatpaviarchoviku ŭ Dniapry było paraniena 64 čałavieki. Z-pad zavałaŭ vyratavali 35 čałaviek, u tym liku 6 dziaciej. Ekstrannyja słužby i žychary horada praciahvajuć razbor zavałaŭ.
Taksama Ihnat zajaviŭ, što rasijskija vajskoŭcy bili siońnia pa Kijevie i inšych haradach zienitnymi rakietami S-300 albo S-400.
«Čamu my nazyvajem heta zbrojaj terarystaŭ? Tamu što rakiety pryznačanyja dla paražeńnia pavietranych celaŭ z tysiačami paražalnych elemientaŭ, dla taho, kab źniščać samalot, rakietu, BPŁA abo viertalot. Hetyja abłomki laciać na sotni mietraŭ, traplajuć u mirnaje nasielnictva. Pa haradach stralać — heta čystaj vady teraryzm. Hetymi rakietami siońnia bili pa Kijevie. I pa Charkavie taksama byli ŭ hetyja sutki ŭdary mienavita hetymi kompleksami», — skazaŭ jon.
Ciapier čytajuć
«Heta była žyvaja kamiera sačeńnia». Što rabiła viciablanka Kaciaryna, kab vyzvalicca praz 5 hadoŭ zamiest prysudžanych 12 hadoŭ10
Kamientary