Ludziej, što ŭskładali ŭ Maskvie kvietki da miemaryjała zahinułym u Dniapry, zdaŭ palicyi ŭradženiec Dniapra
Vydańnie SOTA piša, što redakcyja vyśvietliła asoby troch siabroŭ ruchu SERB, jakija napiaredadni, 17 studzienia, vyklikali palicyju da pomnika Lesi Ukraincy ŭ Maskvie, dzie ŭźnik stychijny miemaryjał u pamiać pra zahinułych u vyniku rakietnaha ŭdaru pa Dniapry. Adnym z danosčykaŭ akazaŭsia vychadziec z taho samaha Dniapra.
Lidar SERB Ihar Biekietaŭ, viadomy taksama jak Hoša Tarasievič, naradziŭsia i vyras u Dniapry, skončyŭ tam teatralnaje vučylišča. Pra Biekietava-Tarasieviča viadoma, što jon zdymajecca ŭ kino ŭ rolach druhoha płana.
Razam ź Biekietavym da pomnika Lesi Ukraincy prychodzili Piotr Rybakoŭ i Alaksandr Pietruńko. Apošni ŭ 2014 hodzie ŭdzielničaŭ u šturmie abłasnoj administracyi Charkava, a ŭ 2017 hodzie, jak miarkujecca, abliŭ zialonkaj Alaksieja Navalnaha.
16 studzienia na Ukrainskim bulvary ŭ Maskvie kala pomnika paetcy Lesi Ukraincy źjavilisia kvietki i cacki ŭ pamiać ab zahinułych u Dniapry ad rasijskaj rakiety darosłych i dzieciach. Chtości prynios da miemaryjała fatahrafiju razburanaha doma.
Uviečary 17 studzienia palicyja zatrymała kala pomnika čatyroch čałaviek. Jak paviedamlaŭ pravaabarončy prajekt OVD-Info, adnamu z zatrymanych vystavili abvinavačvańnie ŭ drobnym chulihanstvie (art. 20.1 KaAP). Advakata, jaki prybyŭ da zatrymanych, u adździaleńnie palicyi nie puścili.
Čytajcie taksama:
U Maskvie zatrymali ludziej, jakija ŭskładali kvietki da stychijnaha miemaryjała pa achviarach abstrełu Dniapra
U Maskvie prynieśli kvietki da pomnika Lesi Ukrainki FOTA
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
My vsie siehodnia Ukraina i Dniepr.