Tym časam nie vyklučana, što braty Kaścicyny, siezon u jakich atrymlivajecca nie vielmi ŭdałym, mohuć pierajści ŭ inšy kłub NCHŁ — «Łos‑Anželes Kinhz».
Napadajučy «Manreal Kanadyjans» Skot Homies abviarhaje paviedamleńni frankamoŭnaj kanadskaj presy ab tym, što paśla zaklučnaha kantrolnaha matča mižsiezońnia pamiž im i biełarusam Siarhiejem Kaścicynym zdaryłasia bojka.
Incydent nibyta adbyŭsia ŭ domie Homiesa, paśla hetaha Kaścicyna‑małodšaha adpravili ŭ ACHŁ, kudy jon nie zachacieŭ źjaždžać i byŭ dyskvalifikavany.
«Heta vielmi cikavyja naviny, ale ŭ ich niama ni kropli praŭdy. Što zrabić, heta ž Manreal, i tut takoje zdarajecca. Darečy, Andreja Markava taksama ja pyrnuŭ nažom, jon nie atrymlivaŭ traŭmu padčas hulni suprać «Taronta», — zmročna pažartavaŭ Homies.
Markaŭ atrymaŭ razryŭ suchažylla halenastopa 1 kastryčnika ŭ matčy suprać «Taronta Mejpł Lifz», kali jamu vypadkova razrezaŭ nahu kańkom ułasny bramnik Kery Prajs.
Tym časam nie vyklučana, što braty Kaścicyny, siezon u jakich atrymlivajecca nie vielmi ŭdałym, mohuć pierajści ŭ inšy kłub NCHŁ — «Łos‑Anželes Kinhz».
Kiraŭnictva «Manreala» prajaŭlaje cikavaść da napadajučaha «Łos‑Anželesa» Alaksandra Frałova. Rasijanin, jakoha niadaŭna vyvodzili sa składu «Kinhz» na adzin matč, trapiŭ u apału z‑za niedastatkovaj emacyjanalnaści i nieakuratna hulni. U jakaści mahčymaj kampiensacyi za Frałova «Manreal» moža prapanavać bratoŭ Kaścicynych.
Raniej paviedamlałasia, što Siarhiej Kaścicyn moža pierajści ŭ omski «Avanhard», jaki hulaje ŭ Kantynientalnaj chakiejnaj lizie.
Kamientary