Čaćviora padletkaŭ dziela halucynacyj pajeli sušanych muchamoraŭ i trapili ŭ reanimacyju
Niezvyčajny vypadak atručvańnia hrybami zafiksavali ŭ Mahilovie. Chłopiec i try dziaŭčyny 15 i 16 hadoŭ vyrašyli dziela vostrych adčuvańniaŭ pajeści muchamoraŭ. Jany kupili sušanyja hryby ŭ internecie. Ahulnaja masa — 30 hram. Prykładna 25 hram jany padzialili paroŭnu i źjeli łyžkaj, zapivajučy vadoj.
Adnak zamiest halucynacyj dzieci prosta stali tracić prytomnaść. Dobra, što chutkaja dapamoha pryjechała svoječasova i ich paśpieli vyratavać. U dyjahnazie značycca «vostraje pieraralnaje atručvańnie muchamorami».
Reštu, jakaja nie była źjedzienaja padletkami, vyvučyli ŭ łabaratoryi sudekśpierty. I pryjšli da vysnovy, što narkatyčnych srodkaŭ u hrybach nie było.
Inšymi słovami, dziaciej «raźviali», pradaŭšy im zvyčajnuju sušanuju atrutu. I heta ŭžo nie pieršy vypadak, padkreślivajuć u Dziaržkamitecie sudovych ekśpiertyz, kali moładź trucicca muchamorami, spadziejučysia vyklikać halucynacyi.
Ciapier čytajuć
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary
Pa-pieršaje, zahuhlicie jakaja doza muchamora moža być śmiarotnaj. 25 hr. na traich navat dziaciej nie zabili b.
Pa-druhoje, vielmi śmiešna pra toje, što "sudekśpierty pryjšli da vysnovy, što narkatyčnych srodkaŭ u hrybach nie było". Dyk muchamor im pradali ci nie muchamor? Što za "zvyčajnaja sušanaja atruta"?
https://nashaniva.com/308904"? A kali ŭsio ž taki muchamor, to kudy padzielisia ź jaho "narkatyčnyja srodki"?:)))
Bolš pieradrukoŭvajcie łuchty ad Dziaržkamiteta sudovych ekśpiertyz.
https://nashaniva.com/308904