Pazačarhovy źjezd Partyi kamunistaŭ biełaruskaj pryniaŭ rašeńnie ab pierajmienavańni arhanizacyi. Za nazvu Biełaruskaja partyju abjadnanych levych «Spraviadlivy śviet» prahałasavała 89 z 158 delehataŭ.
Pazačarhovy źjezd Partyi kamunistaŭ biełaruskaj pryniaŭ rašeńnie ab pierajmienavańni arhanizacyi. Za nazvu Biełaruskaja partyju abjadnanych levych «Spraviadlivy śviet» prahałasavała 89 z 158 delehataŭ.
Staršynia partyi Siarhiej Kalakin adkazvaje na pytańni «Našaj Nivy»:
«Naša Niva»: Jakija ŭražańni pakinuŭ źjezd?
Siarhiej Kalakin: Dobryja ŭražańni. Zrabili ŭsio, što zadumali. Usio prajšło, jak i miełasia być.
«NN»: Nie škada było raźvitvacca sa staroj nazvaj?
SK: Škada. Zaŭsiody ciažka raźvitvacca z častkaj svajho žyćcia, a ŭ kamunistyčnaj partyi ja ad 1975 hodu. Mnoha było źviazana z kampartyjaj. Tym nie mienš, siońniašnija realii dyktavali nam taki krok.
«NN»: Dyk čym mienavita abumoŭlena pierajmienavańnie?
SK: Nie mnie vam havaryć, što isnujuć absalutna roznyja staŭleńni da kamunistyčnaj partyi. Asabliva ŭ tych krainach, dzie kamunisty byli va ŭładzie. Kolki ŭžo možna raskazvać, što my nie tyja kamunisty, jakija byli va ŭładzie ŭ SSSR? Naša partyja była ŭtvoranaja tolki ŭ 1991 hodzie. Tym nie mienš, nam uvieś čas davodziłasia apraŭdvacca. My viedajem tyja plusy i tyja minusy, jakija byli ŭ KPSS. My nikoli nie zapluščvali vočy na admoŭnaje ŭ kamunistyčnym kiravańni ŭ našaj krainie. Źmiena nazvy prosta spraščaje kamunikavańnie ź ludźmi. Časta ludzi zhodnyja z našymi mierkavańniami, ale kali čujuć, što heta kamunisty, to nie chočuć mieć ničoha ahulnaha.
«NN»: Šmat ludziej vyjšła z PKB na hetaj chvali?
SK: Pakul što čałaviek 7‑8. Dumaju, što ahułam vyjdzie čałaviek 100‑150. Jość niekatoryja padbuchtorščyki, jakija kažuć, što my zdradzili svaim ideałam. Chacia, mahčyma, vyjdzie i mieniej.
«NN»: A čamu ŭ novaj naźvie prysutničaje «abjadnanyja levyja»?
SK: PKB taksama była abjadnanaj partyjaj. Heta jašče na druhim źjeździe partyi było pryniata. Taksama da «Spraviadlivaha śvietu» mohuć dałučycca siabry niezarehistravanych levych partyj, jany sami zajaŭlali ab takim namiery. Naprykład, Partyi pracoŭnych. My hetaha nie chavajem.
«NN»: Źjezd praviedzieny, rašeńnie ab źmienie nazvy pryniataje. Što ciapier?
SK: Mety zastalisia tymi ž, što byli. Treba bolš aktyŭna pracavać ź ludźmi, kazać im praŭdu ab situacyi ŭ krainie. Vybary nam u hetym sensie buduć spryjać.
«NN»: A sa svaim udziełam u vybarach vyznačylisia?
SK: Z asabistym — nie. Vyznačylisia, što budzie ŭdzielničać kandydat ad «Spraviadlivaha śvietu». Chto im stanie budzie viadoma ŭ pačatku nastupnaha hodu.
Kamientary