U sieradu 28 kastryčnika Haradzienski Ruch «Za Svabodu» zaprašaje na čarhovy adkryty prahlad filmaŭ u kampanii «Svabodnaje kino».
U sieradu 28 kastryčnika Haradzienski Ruch «Za Svabodu» zaprašaje na čarhovy adkryty prahlad filmaŭ u kampanii «Svabodnaje kino».Hetym razam my pakažam vam film «NKVD‑Hiestapa. Braty pa kryvi», temaj jakoha stała blizkaje supracoŭnictva dvuch, na pieršy pohlad, antahanistyčnych struktur — NKVD i Hiestapa. Paśla prahladu haradzienski daśledčyk i žurnalist Andrej Pačobut raspaviadzie pra mietady pracy NKVD‑MHB‑KHB u Hrodnie i na Haradzienščynie ŭ 30‑50 hady minułaha stahodździa.
Pačatak prahladu: sierada, 28 kastryčnika, 19.00, Hrodna, Budzionaha, 48a‑44 (pamiaškańnie Tavarystva Biełaruskaj Škoły). Dobraja jakaść, vydatny huk.
«NKVD‑Hiestapa. Braty pa kryvi» — film z cykłu lepšyja dakumienty, źniatyja telekanałam BIEŁSAT. NKVD i Hiestapa supracoŭničali ŭ roznych halinach — u tym liku ŭ abmienie viaźniami. SSSR dasyłaŭ u Niamieččynu ŭ asnoŭnym antyfašystaŭ i habrejaŭ, jakich tam źniščali. Niemcy naŭzamien vydavali Maskvie ludziej, jakija raniej emihravali z Rasii dy vystupali suprać Savieckaha Sajuzu. Jany ŭ asnoŭnym zahinuli ŭ HUŁAHu.
Pracaŭniki NKVD i Hiestapa rabili supolnuju pracu i dobra adzin adnaho razumieli. Navat mietodyka pracy ź viaźniami była padobnaja. Pra heta śviedčać kadry ź Vilenskaha muzieja hienacydu i Muzieja Hiestapa ŭ Kiolnie. Ale ŭ Litvie i Niamieččynie dziejnaść abodvuch hetych arhanizacyjaŭ pryznanaja złačynnaju, a ŭ Biełarusi vysokija čynoŭniki da siońnia zajaŭlajuć, što «našyja čekisty» nie niasuć navat maralnaj adkaznaści za represii suprać sotniaŭ tysiač i miljonaŭ nievinavatych ludziej u stalinskija časy. Navat tyja, chto ŭłasnaručna katavaŭ i rasstrelvaŭ ludziej nie za złačynstvy, a pavodle «raznaradki».
Zaprašajem usich achvotnych na film «NKVD‑Hiestapa. Braty pa kryvi»!
Pra ŭsio, dzie varta być u Hrodna na http://ruh‑u‑hrodna.livejournal.com
Ciapier čytajuć
Tur abiacaje kampramat na tych, chto praz tyktok skardzicca na ŭłady18
Kamientary