U internecie pradajucca pareštki Jeŭfrasińni Połackaj? Padobna, što nie
Na aŭkcyjonie Ebay vystaŭleny na prodaž srebny relikvaryj z častkaj cieła, jak śćviardžajecca, śviatoj Jeŭfrasińni Połackaj. Pra heta piša ŭ svaim telehram-kanale Anton Matolka.
Jak śćviardžaje aŭtar łota, unutry schovišča znachodziacca pareštki — kości i častki płoci śviatoj Jeŭfrasińni Połackaj, a taksama tablička z podpisam na łatyni: Sanctus Praxedis Polotiensis Virgin — Śviataja Praskoŭja Połackaja, dzieva.
ABNOŬLENA. Jak udakładniaje Anton Matolka, zhodna z dakumientam, hetyja pareštki chutčej za ŭsio naležać nie Jeŭfrasińni Połackaj, a śviatoj kniazioŭnie Paraskievie Połackaj.
Paraskieva Połackaja — heta połackaja kniazioŭna XIII st., śviataja katalickaj, hreka-katalickaj i pravasłaŭnaj cerkvaŭ.
Zhodna z krynicami, Paraskieva była dačkoj kniazia Rahvałoda-Vasila, pastryhłasia ŭ manachini, 7 hadoŭ žyła pry połackaj carkvie Spasa, potym ździejśniła pałomnictva ŭ Rym, pražyła tam niekalki hadoŭ, atrymała ad Papy Alaksandra VI čaścicu dreva Śviatoha Kryža, jakuju vysłała ŭ Połack, dzie tuju pakłali ŭ kryžapadobny kaŭčeh z nadpisam, pamierła ŭ Rymie.
Paraskieva Połackaja taksama pryličana da liku śviatych, u hetym vypadku Papam Ryhoram X (1273).
Adnak niama peŭnaści, što takaja śviataja sapraŭdy isnavała. Mahčyma, jaje pravobrazam stała Jeŭfrasińnia Połackaja ci Jeŭpraksija, stryječnaja siastra Jeŭfrasińni.
U apisańni łota ž havorycca pra pareštki Jeŭfrasińni Połackaj.
U apisańni paznačana, što heta pareštki z kalekcyi siamji Słoskansaŭ. Taksama apublikavanyja i fatahrafii dakumienta, jaki prykładajecca da pareštak. Padpisany jon katalickim biskupam Balasłavam Słoskansam, tam staić i jaho piačatka.
Balasłaŭ Słoskans (1893 — 1981) — apostalski administratar Mahilova i Minska, jon ža byŭ apostalskim vizitataram dla biełaruskich i ruskich katalikoŭ vizantyjskaha abradu ŭ emihracyi.
U roznych krynicach havorycca, što ŭ 1925 hodzie jon słužyŭ u kaściole Śviatoj Varvary ŭ Viciebsku i byŭ achviaraj stalinskich represij, u 1927 hodzie jaho aryštavali, abvinavacili ŭ špijanažy i sasłali ŭ Sałaviecki łahier.
-
Ščadroŭku z Homielščyny viedajuć miljony ludziej pa ŭsim śviecie. U samoj Biełarusi pra jaje mała chto čuŭ
-
U čatyroch polskich haradach adbudziecca sinchronny fiestyval salidarnaści i kultury Belarus Outside Sound System
-
Reniesansny šedeŭr z Halšanaŭ nabyŭ novy vyhlad. Tak jon moh vyhladać čatyry stahodździ tamu
Kavid zabraŭ u Biełarusi 90 tysiač žyćciaŭ, a nie 7 tysiač, jak śćviardžali ŭłady14
Kamientary
a kak eto čitajetsia? Na Ebay?
najebu? nu prosto ja niemieckij učiła...