Pa danych rejtynhu Worldwide Cost of Living 2022, składzienaha Economist Intelligence, u minułym hodzie ŭ najbujniejšych haradach śvietu naziraŭsia imklivy rost koštu žyćcia. Novaje daśledavańnie paraŭnoŭvaje košt tavaraŭ i pasłuh u 173 haradach śvietu, piša Thinktanks.by.
Ńju-Jork. Fota: AP Photo/Julia Nikhinson
U siarednim u haradach, achoplenych daśledavańniem, za hod ceny vyraśli na 8,1%.
Top-10 rejtynhu samych darahich haradoŭ śvietu dla žyćcia ŭ 2022 hodzie vyhladaje nastupnym čynam:
- Ńju-Jork, ZŠA;
- Sinhapur;
- Tel-Aviŭ, Izrail;
- Hankonh, Kitaj;
- Łos-Andželes, ZŠA;
- Ciurych, Šviejcaryja;
- Ženieva, Šviejcaryja;
- San-Francyska, ZŠA;
- Paryž, Francyja;
- Kapienhahien, Danija.
Pa infarmacyi składalnikaŭ rejtynhu, najbolšaje prasoŭvańnie ŭvierch u rejtynhu za apošnija 12 miesiacaŭ zafiksavanaje ŭ Maskvie (padniałasia na 88 pazicyj), Sankt-Pieciarburhu (70 pazicyj) i amierykanskaj Atłancie (42 pazicyi).
Biełaruskija harady pry składańni rejtynhu nie razhladalisia.
Kamientary