Miarkujecca, znojdzieny druhi bartavy samapisiec samalota rasijskaj avijakampanii «S‑Ejr», što raźbiŭsia pad Minskam.
27 kastryčnika na miescy katastrofy samalota rasijskaj avijakampanii «S‑Ejr», jaki raźbiŭsia napiaredadni ŭviečary ŭ rajonie Nacyjanalnaha aeraporta «Minsk», jak miarkujecca, znojdzieny druhi bartavy samapisiec pavietranaha sudna.
Pra heta paviedamili ŭ Biełaruskaj transpartnaj prakuratury.
Zaklučeńnie ab tym, ci źjaŭlajecca znojdzieny pradmiet reziervovym bartavym samapiscam, pavinny dać ekśpierty.
Nahadajem, ab tym, što znojdzieny asnoŭny bartavy samapisiec, ranicaj 27 kastryčnika žurnalistam paviedamiŭ dyrektar departamienta pa avijacyi Ministerstva transpartu i kamunikacyj Biełarusi Vadzim Mielnik.
Jak paviedamlałasia raniej, samalot biźnies‑avijacyi avijakampanii «S‑Ejr» VAe‑125‑800 Hawker, jaki nakiroŭvaŭsia čarternym rejsam z maskoŭskaha aeraporta Unukava‑3 u Nacyjanalnym aeraport «Minsk», źnik z ekranaŭ radaraŭ u 21.30. Abłomki avijasudna i piać cieł zahinułych — hramadzian Rasii — byli znojdzieny ŭ 22.43 u lasnym masivie ŭ adlehłaści prykładna za paŭtara kiłamietra ad uźlotna‑pasadačnaj pałasy kala vioski Piacihodka.
U katastrofie zahinuŭ kiraŭnik kampanii «S‑Ejr» Marat Ramaškin.
Pa fakcie katastrofy Biełaruskaja transpartnaja prakuratura rasśleduje kryminalnuju spravu pa č. 3 art. 314 (parušeńnie praviłaŭ biaśpieki ruchu abo ekspłuatacyi čyhunačnaha, pavietranaha abo vodnaha transpartu).
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja13
Kamientary