Minskaje «Dynama» atrymała pieršuju pieramohu pad kiraŭnictvam Andryjeŭskaha
Chakieisty minskaha «Dynama» atrymali pieršuju pieramohu pad kiraŭnictvam novaha hałoŭnaha treniera Alaksandra Andryjeŭskaha.
29 kastryčnika ŭ čarhovym matčy čempijanatu KCHŁ biełaruskaja kamanda vyjhrała ŭ Maskvie ŭ «Dynama» ź likam 5:1 (3:0, 2:1, 0:0). Šajby zakinuli: u haściej — Chanies Chiuvienien (6.56, pas — Džef Płat; 19.10, pas — Dźjui Uestkot, Junas Andersan), Junas Andersan (12.59), Jarasłaŭ Čuprys (31.18, pas — Chanies Chiuvienien), Džef Płat (35.05, u mienšaści, pas — Osi Vaananien), u haspadaroŭ — Kareł Rachunek (37.33, u bolšaści, pas — Iržy Hudler, Matyjas Vajnchandl).
Paśla 18 matčaŭ na liku «Dynama» 23 bały (7 pieramoh u asnoŭny čas, 1 pa bulitach i 10 paražeńniaŭ u asnoŭny čas, 43 zakinutyja i 51 prapuščanaja šajba). Kamanda zajmaje piataje miesca ŭ dyvizijonie Babrova, dzieviataje ŭ Zachodniaj kanfierencyi i 18-je ŭ ahulnaj tablicy.
20 kastryčnika «Dynama» prajhrała doma chabaraŭskamu «Amuru» (1:4), 22-ha — novakuźnieckamu «Mietałurhu» (2:4), 24-ha — novasibirskaj «Sibiry» (1:4). Paśla paražeńnia ad «Amura» ŭ adstaŭku byŭ adpraŭleny hałoŭny trenier Hlen Chenłan.
Bambardziry pa sistemie «hoł+pas»: Chanies Chiuvienien — 17 bałaŭ (10+7), Dźmitryj Mialeška — 9 (5+4), Džef Płat — 8 (5+3), Junas Andersan — 8 (3+5), Vile Piełtanien — 7 (1+6), Jusef Bumiedźjen — 7 (0+7), Andrej Staś — 6 (3+3), Jusi Makkonien — 6 (1+5), Bajran Rytčy — 5 (3+2), Dźjui Uestkot — 5 (1+4), Andrej Michaloŭ — 4 (3+1), Uładzimir Dzianisaŭ — 4 (2+2), Rychard Lintnier, Marcin Šeŭc — pa 3 (0+3), Alaksandr Kułakoŭ — 2 (2+0), Aleh Šafarenka — 2 (1+1), Kaspars Saulecis, Jarasłaŭ Čuprys — pa 1 (1+0), Osi Vaananien — 2 (0+2), Viktar Andruščanka, Siarhiej Dziamahin, Alaksandr Radzinski — pa 1 (0+1).
Nastupnyja dva matčy minski kłub zhulaje doma: 30 kastryčnika suprać maskoŭskaha CSKA, 1 listapada — suprać ryžskaha «Dynama».
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii60
Kamientary