«Ujaŭlaju, jak im budzie žyć u haściach u Siarhieja». Cichanoŭskaja adreahavała na prodaž režymam jaje kvatery
Učora stała viadoma, što kvatera Cichanoŭskich, vystaŭlenaja ŭładami na prodaž — «za daŭhi». Śviatłana Cichanoŭskaja vykazałasia z hetaj nahody.
«U hetaj kvatery my ź Siarhiejem i našymi dziećmi praviali šmat dobrych i radasnych dzion. Jak by hetyja ludzi ni staralisia pazbavić nas siamji, lubovi i pamiaci, u ich nie vyjdzie — kožny momant ščaścia zastajecca z nami, — kaža Cichanoŭskaja. —
Nu, a režym užo apuściŭsia da maradziorstva i bandytyzmu. Voś u što pieratvarajucca palityki, jakija stracili lehitymnaść: dziela vyžyvańnia jany iduć na vajennyja złačynstvy, upiakajuć niavinnych ludziej u turmy, adpraŭlajuć ich dziaciej u dziciačyja damy, kraduć majomaść, hramiać damy.
Heta nie maje ničoha ahulnaha z tym, jakoha žyćcia zasłuhoŭvajuć biełarusy — i jakim stanie budučynia našaha naroda: mirnaj, biaśpiečnaj i abaronienaj sapraŭdnym zakonam.
Da taho ž i my, i susiedzi, i ŭsie vakoł viedajuć, čyj heta dom. I kali hetaja kvatera dastaniecca kamuści z režymu — ujaŭlaju, jak im budzie žyć u haściach u Siarhieja Cichanoŭskaha».
Trochpakajovaja kvatera na praśpiekcie Niezaležnaści, 137/2 aformlenaja na Siarhieja Cichanoŭskaha.
Pačatkovaja cana łota — 214 860 rubloŭ.
U žylla jość «abmiežavańni ŭ rasparadžeńni nieruchomaj majomaściu», jakija, jak abiacajuć pradaŭcy, «buduć źniatyja adździełam prymusovaha vykanańnia pa vynikach prodažu łota». Taksama «ŭ kvatery majucca zarehistravanyja asoby, u tym liku niepaŭnaletnija».
Na prodaž vystavili kvateru Cichanoŭskich
Ciapier čytajuć
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ1
Los syna prapahandysta sa «Sputnika», jaki pryjšoŭ da biełaruščyny padletkam, vyklikaŭ buru emocyj u jaho siabroŭ
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary
Zło budiet nakazano.