«Уяўляю, як ім будзе жыць у гасцях у Сяргея». Ціханоўская адрэагавала на продаж рэжымам яе кватэры
Учора стала вядома, што кватэра Ціханоўскіх, выстаўленая ўладамі на продаж — «за даўгі». Святлана Ціханоўская выказалася з гэтай нагоды.
«У гэтай кватэры мы з Сяргеем і нашымі дзецьмі правялі шмат добрых і радасных дзён. Як бы гэтыя людзі ні стараліся пазбавіць нас сям'і, любові і памяці, у іх не выйдзе — кожны момант шчасця застаецца з намі, — кажа Ціханоўская. —
Ну, а рэжым ужо апусціўся да марадзёрства і бандытызму. Вось у што ператвараюцца палітыкі, якія страцілі легітымнасьць: дзеля выжывання яны ідуць на ваенныя злачынствы, упякаюць нявінных людзей у турмы, адпраўляюць іх дзяцей у дзіцячыя дамы, крадуць маёмасць, грамяць дамы.
Гэта не мае нічога агульнага з тым, якога жыцця заслугоўваюць беларусы — і якім стане будучыня нашага народа: мірнай, бяспечнай і абароненай сапраўдным законам.
Да таго ж і мы, і суседзі, і ўсе вакол ведаюць, чый гэта дом. І калі гэтая кватэра дастанецца камусьці з рэжыму — уяўляю, як ім будзе жыць у гасцях у Сяргея Ціханоўскага».
Трохпакаёвая кватэра на праспекце Незалежнасці, 137/2 аформленая на Сяргея Ціханоўскага.
Пачатковая цана лота — 214 860 рублёў.
У жылля ёсць «абмежаванні ў распараджэнні нерухомай маёмасцю», якія, як абяцаюць прадаўцы, «будуць знятыя аддзелам прымусовага выканання па выніках продажу лота». Таксама «ў кватэры маюцца зарэгістраваныя асобы, у тым ліку непаўналетнія».
На продаж выставілі кватэру Ціханоўскіх
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары
Zло будет наказано.