MAK patłumačyŭ, jak represavanyja biełaruskija spartsmieny zmohuć vystupić na Alimpijadzie-2024
Užo viadoma, što spartsmieny z Rasii i Biełarusi z-za vajny va Ukrainie nie zmohuć vystupić na Alimpijadzie 2024 hoda ŭ Paryžy pad ściahami adpaviednych krain. Ale jašče nieviadoma, ci zmohuć jany pabyvać tam pad niejtralnymi ściahami. Ale što rabić tym biełaruskim spartsmienam, jakija represavanyja režymam Łukašenki i ŭ jakich niama šancaŭ być uklučanymi ŭ zbornuju, jakuju farmujuć u Minsku, pad jakim by ściaham jana ni vystupała? Mižnarodny alimpijski kamitet prakamientavaŭ hetuju situacyju.
«Spartsmieny mohuć skarystacca stypiendyjaj atleta-ŭciekača. Kab mieć prava na jaje atrymańnie i być vybranym u skład alimpijskaj zbornaj uciekačoŭ, spartsmien pavinien być pryznany ŭciekačom u krainie svajho pražyvańnia», — havorycca ŭ kamientaryi pres-słužby MAK.
U MAK padkreślili, što stypiendyja atleta-ŭciekača dajecca tolki paśla padačy adpaviednaj zajavy Nacyjanalnym alimpijskim kamitetam krainy, u jakoj znachodzicca spartsmien paśla vymušanaj emihracyi.
Mižnarodny alimpijski kamitet «padtrymlivaje rehularnyja kantakty ź Biełaruskim fondam spartyŭnaj salidarnaści (BFSS) i administracyjaj NAK Biełarusi», kab vyrašać «lubyja kankretnyja prablemy, jakija zakranajuć spartsmienaŭ i členaŭ biełaruskaj alimpijskaj supolnaści».
U Biełarusi, jak i ŭ minułym hodzie, na pieradnavahodnija chviliny adklučyli jutub17
Kamientary