«Ty razumieješ, z kim razmaŭlaješ? Jana karaleva Majami». Sabalenku pasprabavali vyhnać z restarana ŭ Majami
Pieršaja rakietka śvietu Aryna Sabalenka stała hierainiaj rolika tyktokiera, jaki viadomy svaimi humarystyčnymi pravakacyjami.
Aryna Sabalenka akazałasia ŭ niajomkaj situacyi, kali abiedała ŭ adnym z restaranaŭ Majami sa svaim bojfrendam Hieorhijasam Franhulisam i kamandaj.
Sudziačy pa roliku ŭ tyktoku, da stała, za jakim abiedała Sabalenka, padyšoŭ chłopiec i pačaŭ skandalić.
Jon skazaŭ, što čakaje mienavita hety stolik, tamu tenisistcy ź siabrami daviadziecca syści.
«Chłopiec, supakojsia. Čamu ty padyšoŭ mienavita da hetaha stała?» — spytała ździŭlenaja Sabalenka. A małady čałaviek źviarnuŭsia da aficyjantaŭ i skazaŭ im zaharnuć ježu, jakaja zastałasia na stale.
«Chłopcy, ja nie žadaju być hrubym. Inšyja ludzi čakajuć hety stolik…» — zajaviŭ jon.
Tut u razmovu ŭmiašaŭsia bojfrend Sabalenki, miljanier Franhulis.
«Ty ŭśviedamlaješ, z kim ty razmaŭlaješ? Ty viedaješ, chto heta? Jana karaleva Majami, pieršaja rakietka śvietu», — skazaŭ biznesmen. Chłopca heta nie ŭraziła.
«Mnie ŭsio roŭna, chto heta. Ja prosta kažu. Ja prosta spytaŭ, ci možacie vy chutčej», — skazaŭ nieznajomiec.
Chłopiec zajaviŭ, što viedaje ŭładalnika i moža zaniać hety stolik. Źbiantežanaja Sabalenka, kab źnizić hradus napružańnia, prapanavała nieznajomcu čypsaŭ.
Małady čałaviek akazaŭsia davoli papularnym tyktokieram European kid, u jaho amal dva miljony padpisčykaŭ. Bolšaść jaho videa — heta humarystyčnyja skietčy, u jakich jon imituje naŭmysna pravakacyjnyja pavodziny «dziciaci bahatych baćkoŭ» i pravakuje nieznajomych ludziej dla kantentu.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary
[Zredahavana]