Kiroŭnaja partyja Hruzii suprać sankcyj adnosna Łukašenki za vizit u Minsk kiraŭnika Abchazii. Chopić i zajavy MZS
Kiraŭničaja partyja Hruzii «Hruzinskaja mara» nie padtrymlivaje ideju sankcyj suprać Biełarusi za kantakty ź niepryznanaj Abchazijaj, zajaviŭ jaje lidar Iraklij Kabachidze. Im važna zachavać status-kvo i nie ćvialić Łukašenku.
«Aficyjnaja zajava była zroblena našym ministerstvam zamiežnych spraŭ. Viadoma, my asudžajem sustreču i tak zvany «vizit». Heta naša pazicyja.
Dla nas važna zachavać najaŭny siońnia status-kvo ŭ płanie niepryznańnia. Dahetul Biełaruś nie pryznała niezaležnaść Abchazii i Paŭdniovaj Asiecii, i my zrobim usio mahčymaje, kab zachavać hety status-kvo», — zajaviŭ Kabachidze.
Pa jaho słovach, «radykalnaja apazicyja» robić usio naadvarot i patrabuje ŭviadzieńnia sankcyj, u tym liku zabaranić avijaznosiny ź Biełaruśsiu. Ale pazicyja kiraŭnictva mudrejšaja, jany nie buduć ćvialić Łukašenku.
«My nie budziem dałučacca da ich u takich pravakacyjach», — skazaŭ Kabachidze.
Vizit u Minsk prezidenta samaabvieščanaj Abchazii Asłana Bžanija adbyŭsia ŭčora, jon sustreŭsia z samim Łukašenkam, choć toj simvalična i pasadziŭ jaho nie jak roŭnaha sabie. Pierad hetym, u vieraśni minułaha hoda, Łukašenka naviedaŭ Abchaziju, i reakcyja Hruzii tady taksama była čysta farmalnaj, na ŭzroŭni adnych zajaŭ.
Čytajcie taksama:
Hruzinskaje MZS asudziła sustreču Łukašenki i Bžanii, ale nazvała Łukašenku prezidentam
Alaksandr Łukašenka pryniaŭ prezidenta Abchazii jak nie roŭnaha sabie pa ranhu FOTAFAKT
Kiraŭnik niepryznanaj Abchazii pryjechaŭ da Łukašenki
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary
Suvierienitiet prodan za vasalstvo.