Dziaržaŭny pahraničny kamitet Biełarusi nakiravaŭ va ŭsie punkty propusku ŭkazańni ab praviadzieńni mier uzmocnienaha kantrolu ŭ dačynieńni da asob, jakija pierasiakajuć miažu, dla vyjaŭleńnia prykmiet śvinoha hrypu.
Pra heta paviedamiŭ načalnik pres‑centra biełaruskaha pahranviedamstva Alaksandr Ciščanka.
Hetyja dziejańni źviazany z raźvićciom epidemijałahičnaj situacyi pa śvinym hrypie va Ukrainie. Pra pačatak epidemii Ministerstva achovy zdaroŭja hetaj krainy abjaviła 30 kastryčnika.
Pavyšanyja miery kantrolu na miažy buduć tyčycca najpierš tych, chto ŭjazdžaje ŭ Biełaruś, ruchajecca cieraź jaje terytoryju tranzitam.
Jak adznačyŭ Ciščanka, zaraz situacyja na miažy poŭnaściu kantralujecca. «Vykarystoŭvać abo nie pamiežnikam marlevyja paviazki, budzie zaležać ad raźvićcia situacyi i rekamiendacyj Ministerstva achovy zdaroŭja. Usie nieabchodnyja srodki zaściarohi jość», — skazaŭ jon.
Kamientary