Pamiž Biełaruskaj fiederacyjaj futbołu i futbolnaj asacyjacyjaj Čarnahoryi dasiahnuta damoŭlenaść
ab praviadzieńni 18 listapada ŭ horadzie Padhoryca tavaryskaha matču z udziełam nacyjanalnych zbornych hetych krain,
paviedamlaje Priessboł sa spasyłkaj na sajt BFF.
***
Zbornaja Čarnahoryi (samanazva – Chrabryja sokały) była stvorana paśla abviaščeńnia niezaležnaści kraju ad Sierbii (2006), pieršy matč zhulała sa zbornaj Vienhryi 24 sakavika 2007 h., vyjhraŭšy ź likam 2:1.
Adziny adboračny turnir - heta sioletni adbor da čempijanatu śvietu 2010 hoda, dzie čarnahorcy ŭ 8-j hrupie trapili da zbornych Italii (vyjšła na čempijanat śvietu), Irłandyi (stykavyja matčy), Bałharyi, Kipra, Hruzii.
Kamanda zaniała 5-je miesca z 9 bałami
(adna pieramoha nad Hruzijaj, šeść ničyich i try parazy: dźvie ad Italii, adna ad Bałharyi, bałans miačoŭ 9—14). Stolki ž bałaŭ nabraŭ Kipr, ale jon abyšoŭ Čarnahoryju ŭ tablicu za košt lepšaj roźnicy prapuščanych miačoŭ.
Zbornaja Biełarusi zaviaršyła svoj adboračny turnir u svajoj hrupie na 4-m miescy z 13 bałami.
Samy viadomy ciapier čarnahorski futbalist - Mirka Vučynič, što hulaje za italjanskuju «Romu». Stevan Joviecič hulaje za «Fijarencinu», Siman Vukčevič - za lisabonski «Sportynh». Na słychu taksama Nikoła Drynčyč ź piermskaha "Amkara".
Treniruje zbornuju Čarnahoryi Zoran Filipovič.
Lehiendarny Predrah Mijatavič - taksama čarnahorac.
***
Rejtynh Čarnahoryi ŭ FIFA pa stanie na kastryčnik 2009 h. – 75-ty radok, u Biełarusi - 73-je miesca.
Zbornaja Čarnahoryi hulaje na stadyjonie «Pad Horycam», što źmiaščaje 17 tys. hledačoŭ.
