Źjaviłasia videa źbićcia mužčyny ź Bierazina daišnikami za toje, što toj zdymaŭ ich. Praz hadzinu jon trapiŭ u reanimacyju
Žychar Minskaj vobłaści Uładzimir Panciuch na aŭtavakzale pačaŭ zdymać dziejańni supracoŭnikaŭ DAI, jakija praviarali maršrutki. Mužčyna paličyŭ, što daišniki pavodzili siabie nachabna i chamili kiroŭcam.
Jak bačna na videa, apublikavanym centram «Viasna», zaŭvažyŭšy zdymku, daišniki hruba załamali Uładzimiru ruki, prycisnuli da słupa i pačali bić jaho pa nahach. Paśla hetaha jaho pavalili na ziamlu i pavałakli ŭ aŭtamabil.
Pa infarmacyi pravaabaroncaŭ, praz hadzinu Uładzimira pryvieźli ŭ reanimacyju z sardečnym prystupam i śladami źbićcia. Ciapier mužčyna znachodzicca ŭ balnicy pad kanvojem.
Zatrymany maje 3 hrupu invalidnaści, raniej pieranios 4 infarkty i 3 apieracyi šuntavańnia.
Jaho płanujuć sudzić, ale pa jakim artykule, pakul nieviadoma.
Raniej siłaviki zajaŭlali, što nibyta Uładzimir u niećviarozym stanie raspačaŭ bojku na vakzale, za što i byŭ zatrymany. Ale na videa bačna, što mužčyna nie raspačynaŭ nijakaj bojki, a prosta zdymaŭ dziejańni supracoŭnikaŭ DAI.
Vajavaŭ u Afhanistanie
Uładzimir Panciuch naradziŭsia ŭ 1969 hodzie ŭ vioscy Vilacina Biarezinskaha rajona. U 1987-m jaho pryzvali ŭ Savieckuju armiju, a praz hod nakiravali ŭ Afhanistan, dzie jon słužyŭ u rocie prykryćcia aeradroma kala horada Hierat. Panciuch atrymaŭ tam dva ranieńni i kantuziju. Infarmacyja pra heta źmieščanaja na sajcie Biarezinskaha rajvykankama.
Paśla viartańnia z vajny jon niekatory čas pracavaŭ kiroŭcam na Biarezinskaj vieterynarnaj stancyi, paźniej źjechaŭ u pasiołak Biełaruski kala Nižniavartaŭska ŭ Sibiry, ale ŭ 1992 hodzie viarnuŭsia na radzimu.
Paviedamlajecca, što Uładzimir maje žonku i dačku.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary