Polskim miedykam dazvolili ahledzieć eks-prezidenta Hruzii Michaiła Saakašvili
Jak paviedamlaje karespandent «Radyjo Svaboda» Rykard Joźviak, kankretnaj daty adpraŭki polskaj hrupy miedykaŭ u Hruziju pakul niama. Ale pryncypovaja zhoda atrymanaja.
EU officials: a medical team has been granted access to #Saakashvili. No date yet when they will travel to #Georgia. and this is NOT about a transfer of the former President to Poland or elsewhere.
— Rikard Jozwiak (@RikardJozwiak) March 16, 2023
Žurnalist padkreśliŭ, što havorka idzie mienavita pra ahlad Saakašvili, a nie pra jaho pieravod u inšuju lakarniu ci jašče kudyści.
Na minułym tydni były prezident Hruzii Michaił Saakašvili, źniavoleny i pieraviedzieny ŭ špital, zajaviŭ, što znachodzicca «ŭ blizkim da śmierci» stanie.
«Spačatku ja važyŭ 120 kiłahramaŭ, ciapier 64, kali stanie mienš za 60, lekary prahnazujuć poliorhannuju niedastatkovaść», — skazaŭ eks-prezident Hruzii. Jon dadaŭ, što pastajanna adčuvaje bol.
«Ja ŭvieś čas lažu ŭ łožku, u mianie razvalvajucca kości, i heta vyklikaje nievynosny bol», — skazaŭ Saakašvili.
U minułym miesiacy apielacyjny sud razhledzieŭ zajavu niezaležnaha ekśpierta pra toje, što Saakašvili nibyta byŭ atručany ŭ turmie. Ułady Hruzii admaŭlajuć takuju mahčymaść i nie dazvalajuć pieradać jaho na lačeńnie ŭ Jeŭropu.
Ułady admaŭlajuć byłomu prezidentu ŭ pamiłavańni.
-
Za nibyta chaatyčnaj stratehijaj Trampa staić chitry raźlik. Voś čym heta pahražaje inšym narodam
-
Estonski kinołah raskazaŭ, jak jaho sabaka šukaŭ źnikłaha amierykanskaha sałdata na palihonie ŭ Padbrodździ i vydatna spraviŭsia
-
Pieršyja masavyja pratesty ŭ ZŠA paśla viartańnia Trampa ŭ Bieły dom. Sam jon hulaje ŭ holf
Ciapier čytajuć
«Užo tam karoŭ nie zastałosia!»: były načalnik Kačanavaj apłakvaje stan ekanomiki na Połaččynie19
Kamientary
Miša- da
Miedyk- nu dyk čaho ja pryjechau?? Vypi.. da paješ))