Były prezydent Hruzii Michaił Saakašvili, źniavoleny ŭ Hruzii i pieraviedzieny ŭ špital, znachodzicca «ŭ blizkim da śmierci» stanie. Pra heta palityk zajaviŭ u kamientaryi Sky News.
Vydańnie adznačaje, što žurnalistaŭ nie puścili ŭ špital, ale jany zmahli praz advakata pieradać pytańni Saakašvili i atrymać piśmovyja adkazy.
«Spačatku ja važyŭ 120 kiłahramaŭ, ciapier 64, kali stanie mienš za 60, lekary prahnazujuć poliarhannuju niedastatkovaść», — skazaŭ eks-prezident Hruzii. Jon dadaŭ, što pastajanna adčuvaje bol.
«Ja ŭvieś čas lažu ŭ łožku, u mianie razvalvajucca kości, i heta vyklikaje nievynosny bol», — skazaŭ Saakašvili.
U minułym miesiacy apielacyjny sud razhledzieŭ zajavu niezaležnaha ekśpierta pra toje, što Saakašvili nibyta byŭ atručany ŭ turmie. Ułady Hruzii admaŭlajuć takuju mahčymaść i nie dazvalajuć pieradać jaho na lačeńnie ŭ Jeŭropu.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary