Eks-prezident Estonii ledź paźbieh ciažkaj avaryi: sustrečny hruzavik začapiŭ jaho mašynu i źnios bakavoje lusterka
Były prezident Toomas Chiendryk Ilvies u minułuju niadzielu trapiŭ na darozie ŭ niebiaśpiečnuju dla žyćcia situacyju: ciažki hruzavik MAN, jaki ruchaŭsia nasustrač, začapiŭ jaho aŭtamabil Subaru, paviedamlaje Delfi.ee.
26 sakavika ŭ 16.20 u centr tryvohi paviedamili pra DTZ na 13-m kiłamietry šašy Tyjtoja — Chiaedemieeście z udziełam lehkavoha aŭtamabila Subaru i hruzavoha aŭtamabila MAN, jaki pieravoziŭ bujnahabarytny hruz.
Jak paviedamiŭ načalnik Piarnuskaha adździaleńnia palicyi Jułar Kiut, hruzavik ruchaŭsia razam z aŭtamabilem supravadžeńnia ŭ napramku Chiaedemieeste, a Subaru — z Chiaedemieeste ŭ bok Tyjtoja, kali znak, jaki paznačaje bujnahabarytny hruz, zakranuŭ bakavoje lusterka Subaru z boku kiroŭcy.
U incydencie nichto nie paciarpieŭ, abodva kiroŭcy byli ćviarozymi. Za rulom hruzavoha aŭtamabila byŭ 32-hadovy mužčyna, a za rulom Subaru — 69-hadovy. Lehkavym aŭtamabilem kiravaŭ eks-prezident Toomas Chiendryk Ilvies.
U vyniku DTZ była naniesienaja tolki materyjalnaja škoda. «Kiroŭcy dasiahnuli pamiž saboj damoŭlenaści, palicyja dapamahła im na miescy z afarmleńniem dakumientaŭ pa darožnaj strachoŭcy», — udakładniŭ Kiut.
Na hrodzienskaj trasie źjechaŭ u kiuviet aŭtobus Minsk — Vilnia
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ56
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1818
Kamientary