Ekśpiert vykazaŭ mierkavańnie, dla čaho Rasija raskansiervuje tanki T-55
Niadaŭna źjaviłasia infarmacyja pra toje, što Rasija zdymaje z zachoŭvańnia tanki T-55. Niekatoryja bajacca, što heta znak padrychtoŭki da jadziernaj vajny.
Takija mierkavańni ŭ svaim videastrymie prakamientavaŭ vajskovy ekśpiert Aleh Ždanaŭ.
Tank T-55 byŭ pryniaty na ŭzbrajeńnie ŭ 1958 hodzie. Usiaho było vypuščana kala 20 tysiač adzinak hetych mašyn. Tank abstalavany 100-mm naraznoj harmataj D-10. Jana była raspracavanaja jašče ŭ pieryjad Druhoj suśvietnaj vajny i ŭ toj čas ustanaŭlivałasia na sieryjnuju artyleryjskuju ŭstanoŭku SU-100, paźniej (da 1978 hoda ŭklučna) na tanki i inšyja bajavych mašyny. Heta zrabiła jaje adnoj z najbolš masavych tankavych harmat u historyi.
Ždanaŭ adznačaje, što dla harmaty da siońnia zachavałasia mnoha snaradaŭ. Jon dapuskaje, što T-55 mohuć być vykarystanyja jak artyleryjskija ŭstanoŭki ŭ bližnim bai. Druhaja mahčymaść — viadzieńnie ahniu z zakrytych pazicyj (vykarystańnie ich u jakaści samachodnych artyleryjskich ustanovak).
Ždanaŭ adznačaje, što ŭ druhim vypadku dakładnaść budzie nievialikaja, bo budzie prablematyčna kiravać ahniom. Ekśpiert źviartaje ŭvahu na toje, što T-55 nie maje nijakaj aŭtamatyki. Ekipaž jaho składajecca z čatyroch čałaviek. Čaćviorty — zaradžajučy.
Viadoma, što tank T-55 staŭ pieršym sieryjnym tankam, na jakim była vykarystanaja sistema supraćatamnaj abarony. Siońnia takaja sistema prysutničaje na ŭsich broniemašynach.
Niekatoryja ŭhledzieli ŭ raskansiervacyi T-55 paćviardžeńnie mierkavańnia ab tym, što Rasija źbirajecca vykarystać taktyčnuju jadziernuju zbroju ŭ vajnie suprać Ukrainy.
«Tak nielha ličyć. Kab sapraŭdy takoje žadańnie ŭ rasijskaha boku było, to zbroja ŭžo daŭno była b vykarystanaja», — adznačaje Ždanaŭ.
U jakaści prykładu jon pryvodzić trochmiesiačny šturm rasijskim bokam Bachmuta. U takoj situacyi zbroja mahła być vykarystanaja.
Suprać hetaj dumki śviedčyć i rytoryka rasijskich palitołahaŭ i palittechnołahaŭ. Jany havorać pra toje, što taja jadziernaja zbroja, jakuju Pucin pahražaje raźmiaścić u Biełarusi, budzie vykarystanaja suprać krain Uschodniaj Jeŭropy.
Čytajcie jašče:
«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
Ekśpiert raskazaŭ, jak zachodnija tanki źmieniać chod vajny va Ukrainie
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii7
«Heta pytańnie času, ale treba saśpieć». Pucin zahavaryŭ pra adziny parłamient i valutu Biełarusi i Rasii
Biełaruskija biznesmieny śpiešna pradajuć doli ŭ svaich polskich transpartnych kampanijach. Što adbyvajecca?2
Kamientary