«Kryk adčaju». Ukrainski ekśpiert pra raźmiaščeńnie rasijskaj jadziernaj zbroi ŭ Biełarusi
Zajava Kramla pra raźmiaščeńnie taktyčnaj jadziernaj zbroi na terytoryi Biełarusi — kryk adčaju i čarhovaja chvala kanfrantacyi z Zachadam.
Takoje mierkavańnie ŭ svaim videastrymie vykazaŭ vajskovy ekśpiert Aleh Ždanaŭ. Pryniaŭšy rašeńnie ab raźmiaščeńni taktyčnaj jadziernaj zbroi na terytoryi Biełarusi, Pucin vyrašyŭ pasvarycca z usimi. Heta rašeńnie taksama idzie ŭrazrez z ustanoŭkami Kitaja, jaki nastojliva zaklikaŭ da nievykarystańnia jadziernaj zbroi ŭ vajnie.
Zbroja budzie znachodzicca ŭ jurysdykcyi Rasijskaj Fiederacyi, ale terytaryjalna — heta Biełaruś.
Heta aznačaje, što krainy NATA ŭklučać Biełaruś u pieralik mahčymych praciŭnikaŭ. Biełaruś taksama patrapić u śpis krain dla jadziernaha ŭdaru. Takoje rašeńnie śviedčyć ab tym, što Łukašenka pastupova sastupaje svaje pazicyi ŭ płanie ekspansii Rasii.
Zajava Kramla ab raźmiaščeńni taktyčnaj jadziernaj zbroi na terytoryi Biełarusi — kryk adčaju, miarkuje ŭkrainski ekśpiert. Kreml užo nie viedaje, jak spynić svajo paražeńnie. Heta apošni jaho kozyr. Pucin choča zapałochać u pieršuju čarhu NATA, bo asnoŭnymi kirunkami prymianieńnia taktyčnaj jadziernaj zbroi mohuć być bałtyjskija krainy i Polšča.
Na dumku ekśpierta, suprać Ukrainy niama sensu jaje vykarystoŭvać. Na miažy Biełarusi znachodzicca małakaštoŭnaje sa stratehičnaha punktu hledžańnia Paleśsie. A taktyčnaja zbroja maje mały radyus paražeńnia.
Pakul heta tolki słovy. Ale kali jany stanuć spravaj, to heta pieratvorycca ŭ surjozny kanflikt z NATA.
Niahledziačy na hučnyja zajavy, zastajecca pytańnie techničnaha stanu jadziernych bojezaradaŭ i ich hatoŭnaści da vykarystańnia, adznačaje Ždanaŭ.
Čytajcie jašče:
«Z dapamohaj «jadziernaj dubinki» Pucin choča pakazać usiamu śvietu, što impieryja viarnułasia»
ES hatovy ŭvieści novyja sankcyi, kali ŭ Biełarusi budzie raźmieščana jadziernaja zbroja, — Barel
Rasijski ekśpiert pryznaŭ pieravahu taktyki ŭkrainskaj armii
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
Chto dapuściŭ jaho da ŭłady? Tyja kamu važniej była kiłbasa čym mova. Dzie byŭ vaš BobarikO ŭ 95, mo za Paźniaka hałasavaŭ ci na mitynhi ŭ 1996, u 1999 i 2000 vychodziŭ???