1 žniŭnia ź inicyjatyvy Ministerstva sportu i turyzmu adbyłasia amal čatyrochhadzinnaja pajezdka pa Miensku. Metaj pajezdki było vyznačeńnie stajanak turystyčnych aŭtobusaŭ. Sprava ŭ tym, što apošnim časam pryparkavać aŭtobus z turystami i ekskursantami padčas ahladnych ekskursij kala asnoŭnych ekskursijnych abjektaŭ stanovicca ŭsio bolš prablematyčna. Asabliva ciažka kiroŭcam u centry horadu. Na začapki «daišnikaŭ» skardziacca ekskursavody, bo składanaści z parkoŭkami parušajuć chadu ekskursii dy zaminajuć narmalna pracavać, i turysty. «U časie našaj svojeasablivaj «ekskursii» pa stalicy my abaznačyli kala 11 stajanak, - raskazała Maryna Mastašova, viadučy specyjalist Nacyjanalnaj ahiencyi pa turyźmie. – Nastupnym kankretnym krokam buduć pieramovy z staličnaj DAI dy inšymi słužbami, adkaznymi za prypynki turystyčnych aŭtobusaŭ. My vielmi spadziajemsia na plonnaje supracoŭnictva».
Pavodle Turizm i otdych
