Źjaviłasia mahčymaść pravieryć aŭtamabil na najaŭnaść DTZ na terytoryi Biełarusi. Daviedalisia, jak heta pracuje
Z 1 krasavika źjaviłasia mahčymaść pravieryć, ci byli strachavyja vypłaty pa aŭtamabili. Što pakazvaje servis?
Aŭtamabilny partał av.by u svaim servisie pa praviercy historyi aŭto pa VIN-numary dadaŭ mahčymaść atrymać infarmacyju ab DTZ na terytoryi Biełarusi. Kab heta zrabić, dastatkova viedać VIN-numar aŭtamabila. Spravazdača płatnaja — kaštuje kala 11 rubloŭ. Zamović jaje možna pa spasyłcy.
Zaŭvažna, što infarmacyja pra najaŭnaść strachavych vypłat u Biełarusi atrymlivajecca z dapamohaj rasijskaha servisu «Avtotieka».
Pra rasijski śled u spravazdčy kaža i toj fakt, što valuta raźliku paznačanaja jak RUR.
Pradaŭcy spravazdač taksama źviartajuć uvahu na toje, što kali DTZ adbyłosia da 1 lipienia 2016 hoda, to sumy buduć paznačanyja ŭ niedenaminavanych rublach.
Taksama važna adznačyć, što adsutnaść aŭtamabila ŭ bazie nie harantuje taho, što jon nie ŭdzielničaŭ u DTZ na terytoryi Biełarusi. Baza adlustroŭvaje nie sam fakt najaŭnaści DTZ, a fakt raźliku koštu ramontnych rabot. To-bok havorka idzie tolki pra tyja vypadki, kali čałaviek atrymlivaŭ kampiensacyju ad strachavoj kampanii.
Taksama ŭźnikajuć pytańni da napaŭnieńnia bazy. Naprykład, pravierany nami aŭtamabil aproč hetaha DTZ jašče dvojčy atrymlivaŭ vypłaty ad strachavoj. Abodva zdareńni byli drobnymi i afarmleńnie adbyvałasia praź jeŭrapratakoł biez udziełu DAI. Infarmacyja pra vypłaty pa hetych dvuch vypadkach u spravazdačy nie adlustroŭvajecca.
Dziela spraviadlivaści adznačym, što płatnyja jeŭrapiejskija servisy taksama nie harantujuć na 100% taho, što ŭ spravazdačy budzie miecca absalutna ŭsia infarmacyja pra aŭto.
Tym nie mienš, źjaŭleńnie takoj mahčymaści možna nazvać čarhovym krokam da cyvilizavanaści biełaruskaha aŭtamabilnaha rynku.
Nahadajem, što pasprabavać pravieryć prabieh aŭtamabila, jaki ŭžo nie pieršy hod jeździć pa Biełarusi, možna z dapamohaj Adzinaha partała elektronnych pasłuh pa hetaj spasyłcy. Spravazdača taksama płatnaja.
Jak pravieryć pa VIN-numary aŭtamabil, pryviezieny ź inšych krain Jeŭropy i ZŠA možna pračytać tut.
Paśla pierasiačeńnia biełaruskaj miažy mašyny ź Jeŭropy «hublajuć» dziasiatki tysiač kiłamietraŭ. Jak pradaŭcy padmanvajuć z prabieham aŭto
«Dastery» za 30 000 dalaraŭ, «Viesty» za 16 500. Jakija novyja aŭto prapanujuć dylery
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8282
Kamientary