Mininfarmacyi nie zarehistravała niedziaržaŭnuju hazietu «Marjinahorskuju»
Ministerstva infarmacyi viarnuła zasnavalniku niedziaržaŭnaj hramadska-palityčnaj rehijanalnaj haziety «Marjinahorskaja» dakumienty, nakiravanyja dla dziaržaŭnaj rehistracyi vydańnia.
U aficyjnym adkazie ad 2 listapada ministerstva, apielujučy da art. 12 (padpunkt 1.5 p. 1) zakona «Ab srodkach masavaj infarmacyi», spasłałasia na adsutnaść jurydyčnaha adrasu ŭ redakcyi vydańnia.
Pa słovach Volhi Kulčanki — zasnavalnicy i dyrektarki pryvatnaha vydavieckaha pradpryjemstva «Telehraf-Infa» (jurydyčnaj asoby, jakaja vystupaje redakcyjaj haziety), —
hetaja infarmacyja nie adpaviadaje rečaisnaści.
Jak raniej paviedamlałasia, sapraŭdy ŭ kastryčniku ŭ redakcyi «Marjinahorskaj» niečakana ŭźnikli prablemy z ofisnym pamiaškańniem. 14 kastryčnika arendadaŭca — miascovy pryvatny pradprymalnik — paviedamiŭ, što Puchavicki rajvykankam prymusiŭ jaho skasavać damovu z pryčyny «niepłaciežazdolnaści» arandataraŭ. Paviedamleńnie pra heta arendadaŭca dasłaŭ redakcyi, rajvykankamu i Ministerstvu infarmacyi.
Ale, pavodle spn. Kulčanki, skasavańnie nie mieła zakonnaj padstavy i supiarečyła ŭmovam damovy arendy. Tamu pytańnie było vyrašana ŭ toj ža dzień, i hazieta zachavała za saboj jurydyčny adras, taksama terminova paviedamiŭšy pra heta ŭ Mininfarmacyi.
30 kastryčnika kiraŭnik siektaru rehistracyi ŚMI i kantrolu za vykanańniem zakanadaŭstva Mininfarmacyi Viktar Hurecki asabista telefanavaŭ Volzie Kulčanka i jaje arendadaŭcu i pierapytvaŭ, ci jość u redakcyi jurydyčny adras. Abodva paćvierdzili, što damova na arendu pamiaškańnia z redakcyjaj «Marjinahorskaj» haziety zastałasia ŭ sile.
Zasnavalnica budzie damahacca paŭtornaha razhladu dakumientaŭ ministerstvam.
Ciapier čytajuć
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty21
Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Daradca prezidenta Polščy prakamientavaŭ zvarot Kaleśnikavaj i Zołatavaj: Łukašenka vypuskaje niekalki dziasiatkaŭ viaźniaŭ, a na nastupny dzień zatrymlivaje novych1010
Kamientary