Addanaha jabaćku, jaki abražaŭ Śviatłanu Cichanoŭskuju ŭ Threads, kinuli za kraty
Kamientary pad čyimści dopisam u Threads biełaruskija sudy ciapier ličać raspaŭsiudam taho samaha dopisu. A tamu kali aŭtar pieršasnaha dopisu — «ekstremist», to pakarajuć kamientatara.
«Našaj Nivie» stali viadomyja padrabiaznaści niezvyčajnaha pieraśledu adnaho z łukašenkaŭskich aktyvistaŭ. Vypadak adbyŭsia ŭ rajonnym centry na ŭschodzie Biełarusi.
Hety fanat Alaksandra Łukašenki aktyŭna pakidaŭ kamientary ŭ sacyjalnaj sietcy Threads — u asnoŭnym jon pisaŭ abraźlivyja kamientary ŭ akaŭncie Śviatłany Cichanoŭskaj, dastavałasia i inšym apazicyjnym dziejačam.
Čałaviek ličyŭ, što takim čynam adstojvaje intaresy dziaržavy ŭ sacyjalnych sietkach. Ale ž pieratvaryłasia heta ŭsio ŭ trahikamiedyju.
Aktyvista zatrymali, siłaviki praviali pry hetym paŭnavartasnaje maski-šou, a ŭ pracesie abražali.
Jak vyśvietliłasia, na jaho skłali pratakoł za raspaŭsiud ekstremisckaj pradukcyi (artykuł 19.11 KaAP). Interpretacyja siłavikoŭ niezvyčajnaja. Maŭlaŭ, kali ŭ čałavieka adkryty akaŭnt, to kožny achvotny moža nie tolki prahledzieć jaho, ale i praz układku «adkazy» ŭbačyć, kamu čałaviek adkazvaje. A značyć, kali jon adkazvaje «ekstremistu», to tym samym raspaŭsiudžvaje «ekstremisckuju pradukcyju».
U sudzie mužčyna sprabavaŭ pierakanać, što pakidaŭ kamientary na «ekstremisckich» staronkach z samych dobrych mierkavańniaŭ. Maŭlaŭ, navat Aleh Hajdukievič u Threads z apazicyjanierami razmaŭlaje — u tym liku i z «ekstremistami». Ale ž sudździa nie paličyŭ heta za arhumient.
U vyniku aktyvistu prysudzili 10 sutak aryštu.
Ciapier jon mocna pakryŭdžany na ŭłady, ale ŭsio roŭna vieryć, što Alaksandr Łukašenka prosta nie viedaje, što adbyvajecca na miescach. A kali b viedaŭ, to chucieńka navioŭ by paradak.
Ciapier čytajuć
Aryštavali pradstaŭnikoŭ kampanii Bayer u Biełarusi10
Aryštavali pradstaŭnikoŭ kampanii Bayer u Biełarusi
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha4040
Kamientary