U Hrodnie vyzvalili fanataŭ chakiejnaha «Niomana». Niekatoryja viarnulisia na trybuny
Apošniaha zatrymanaha fanata chakiejnaha «Niomana» vyzvalili 5 krasavika, usich astatnich vypuścili na dzień raniej. Niekatoryja z fanataŭ navat paśpieli na hulniu i padtrymali kamandu.
Viartańnie aktyŭnych zaŭziataraŭ na trybuny zaŭvažyli chakieisty i trenierski štab hrodziencaŭ, paviedamlaje «Most».
Chakiejny «Nioman» u pieršych matčach paŭfinału płej-of čempijanatu Biełarusi zastaŭsia biez fanackaha aktyvu — lidara ruchu Siarhieja Jemialjanava i jašče kala dziasiatka zaŭziataraŭ stali zatrymlivać u Hrodnie z 9 sakavika.
Usie fanaty, jakija byli zatrymanyja ŭ sakaviku, znachodziacca pad padpiskaj ab nierazhałošvańni. Abvinavačańnie fanatam nie było vystaŭlena. U siarednim jany praviali pa 15 sutak u źniavoleńni, chtości bolš času. Pryčyna zatrymańnia fanataŭ u Hrodnie dahetul nieviadomaja.
Viartańnie fanackaha siektara na trybuny ŭ Hrodnie nadało ŭpeŭnienaści chakieistam «Niomana»: 4 krasavika ŭ piatym matčy paŭfinału płej-of hrodziency ŭ rodnych ścienach abyhrali «Junactva» i zachavali šancy na baraćbu za vychad u finał.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary