Da piaci hadoŭ kałonii. Za sprobu evakuacyi ź Biełarusi asudzili byłoha mytnika, studenta i niadaŭniuju školnicu
Za hetaj sprobaj evakuacyi sačyli śpiecsłužby. Toje, jak niadaŭniaja vypusknica škoły sprabavała pierasiekčy miažu, zdymali adrazu na niekalki kamier ź ziamli i pavietra.
U Hrodzienskim abłasnym sudzie 5 krasavika vynieśli prysud byłomu mytniku Mikałaju Kulašovu, Anicie Bakunovič i studentu Jahoru Kurzinu, paviedamlaje «Viasna». Ich abvinavacili ŭ «zamachu na niezakonnaje pierasiačeńnie miažy», «udziele ŭ ekstremisckim farmavańni» (pad hetym mieli na ŭvazie arhanizacyju «Dapamoha»), a taksama pa šerahu inšych artykułaŭ Kryminalnaha kodeksa.
Sudździa Viktar Siańko pryznačyŭ Mikałaju Kulašovu piać hadoŭ kałonii, Anicie Bakunovič — try z pałovaj hady źniavoleńnia, Jahoru Kurzinu — try hady kałonii.
Pieršy raz tady jašče 18-hadovuju Anitu Bakunovič zatrymali 23 lutaha 2022 hoda. Praz čatyry miesiacy dziaŭčynu asudzili da dvuch hadoŭ «chatniaj chimii» pa «narodnym» artykule 342 Kryminalnaha kodeksa. Paśla abviaščeńnia prysudu jaje vyzvalili z-pad varty.
Druhi raz Anitu zatrymali 21 vieraśnia 2022 hoda na Hrodzienščynie pry pierasiačeńni biełaruska-litoŭskaj miažy. Na dziaržaŭnych kanałach vyjšaŭ film, u jakim pakazali momant sproby 19-hadovaj palitźniavolenaj nielehalna pierasiekčy miažu. Dziejańni dziaŭčyny zdymała adrazu niekalki kamier — ź ziamli i pavietra.
Anitu Bakunovič asudzili pa dvuch artykułach Kryminalnaha kodeksa: č. 3 art. 361-1 (udzieł u ekstremisckim farmavańni) i č. 1 art. 14 i č. 3 art. 371 (zamach na niezakonnaje pierasiačeńnie miažy).
Byłoha mytnika i aktyvista Biełaruskaj sacyjał-demakratyčnaj partyi «Hramada» Mikałaja Kulašova zatrymali ŭ vieraśni 2022 hoda. U filmie ANT Mikałaja Kulašova nazyvali «pravadyrom» dla palitviaźniaŭ pry pierasiačeńni biełaruska-litoŭskaj miažy. Taksama havorycca, što jon supracoŭničaŭ ź niekamiercyjnaj arhanizacyjaj «Dapamoha», jakaja dziejničaje ŭ Litvie i dapamahaje palityčnym uciekačam. «Dapamoha» była pryznana «ekstremisckim farmavańniem» pa rašeńni KDB 12 kastryčnika 2022 hoda.
Mikałaja sudzili pavodle čatyroch artykułaŭ Kryminalnaha kodeksa: č. 1 art. 14 i č. 3 art. 371 (zamach na naŭmysnaje niezakonnaje pierasiačeńnie dziaržaŭnaj miažy, ździejśnieny arhanizavanaj hrupaj), č. 3 art. 361-1 KK (udzieł u ekstremisckim farmavańni), art. 378 (kradziež asabistych dakumientaŭ) i č. 1 art. 14 i č. 2 art. 380 (zamach na padrobku i vyrab abo zbyt padroblenych dakumientaŭ).
Za «zamach na niezakonnaje pierasiačeńnie miažy» pavodle č. 1 art. 14 i č. 3 art. 371 i «ŭchileńnie ad mierapryjemstvaŭ pryzyvu na vajskovuju słužbu» pavodle č. 1 art. 435 KK asudzili 21-hadovaha Jahora Kurzina. U prapahandysckim filmie ANT Kurzin kaža, što hod vučyŭsia ŭ BDUIR i byŭ adličany za niepaśpiachovaść. U siužecie ANT havorycca, što jon nibyta, kab nie iści ŭ vojska, vydumaŭ historyju pra palityčny pieraśled. U siužecie havorycca, što Kurzin źviarnuŭsia ŭ «Dapamohu».
Pa dziaržkanałach pakazali, jak palitźniavolenaja sprabavała pierajści miažu ź Litvoj
«Bačyła akryvaŭlenuju škarpetku». Jak za kratami akazałasia niadaŭniaja vypusknica škoły
Byłoha mytnika vinavaciać u tym, što dapamahaŭ biełarusam biehčy praź miažu
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ4
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1717
Kamientary