Zahadkavaja ŭspyška ŭ niebie nad Homielem i Kijevam: NASA zajaŭlaje, što heta nie moh być spadarožnik
Poźnim viečaram u sieradu nieba nad Homielskaj vobłaściu i Kijevam aśviaciła jarkaja biełaja ŭspyška. Da hetaha času zastajecca niavyśvietlenym, što stała jaje pryčynaj, ukrainskija vajskoŭcy źviazvajuć jaje z padzieńniem spadarožnika abo mietearyta, paviedamlaje Bi-bi-si.
Pavodle pieršapačatkovaj infarmacyi, raspaŭsiudžanaj, u pryvatnaści, kiraŭnikom ofisa prezidenta Ukrainy, uspyška była vyklikanaja pracaj ukrainskich SPA. «Nie turbujciesia z nahody NŁA. Heta naša SPA», — napisaŭ Andrej Jarmak u svaim telehram-kanale, adnak paśla hety dopis byŭ vydaleny.
Kijeŭskaja haradskaja vajennaja administracyja taksama paviedamiła, što jarkaje śviačeńnie nad Kijevam uviečary 19 krasavika stała vynikam padzieńnia na ziamlu kaśmičnaha spadarožnika NASA.
Adnak u NASA zajavili, što paviedamleńni ab padzieńni ich spadarožnika nie adpaviadajuć rečaisnaści.
Na pačatku hetaha tydnia viedamstva paviedamiła, što navukova-daśledčy spadarožnik RHESSI, jaki adsłužyŭ svoj termin, uvojdzie ŭ ziamnuju atmaśfieru ŭ sieradu. Hety spadarožnik masaj 300 kh, pryznačany dla vyvučeńnia ŭspyšak na Soncy, byŭ zapuščany na nizkuju kalaziamnuju arbitu ŭ 2002 hodzie i vyviedzieny z ekspłuatacyi ŭ 2018-m.
Adnak, jak zajaviŭ Bi-bi-si pradstaŭnik NASA pa suviaziach z hramadskaściu Rob Marhieta, u toj čas, kali nad Kijevam nazirałasia ŭspyška śviatła, spadarožnik usio jašče znachodziŭsia na arbicie. Jon pavinien uvajści ŭ ščylnyja słai atmaśfiery na praciahu nočy. Nijaki inšy spadarožnik NASA taksama nie ŭvachodziŭ u atmaśfieru ŭ pakazany čas, paviedamiŭ Marhieta.
Navukovaja supołka the Alpha Centauri taksama nastojvaje na tym, što zaŭvažany nad Kijevam abjekt nie moh byŭ spadarožnikam.
«Nad Kijevam nie hareŭ spadarožnik NASA. Siońnia ŭ atmaśfieru sapraŭdy pavinien byŭ uvajści aparat NASA RHESSI, jaki naziraŭ za soniečnymi ŭspyškami z 2002 pa 2018 hod. Ale trajektoryja jaho padzieńnia vielmi, vielmi dalokaja ad Ukrainy», — zajavili ŭ supołcy.
Tam zaklikali Kijeŭskuju vajennuju administracyju lepš praviarać infarmacyju.
«Abjekt, jaki ŭpaŭ kala Kijeva — heta balid (mieteor)», — nastojvajuć u navukovaj supolnaści.
U Homieli i Mazyry zafiksavali jarkuju ŭspyšku. Adnačasova jaje bačyli i na poŭnačy Ukrainy. Što heta było?
Byvaje raz na 10 000 hadoŭ. Astranomy ašałomlenyja samym jarkim usploskam hama-pramianioŭ u historyi nazirańniaŭ
Astranomy z usiaho śvietu abjadnalisia dla nazirańnia za čornaj dzirkaj, jakaja razarvała zorku
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova8
Kamientary