Rasijskija ŚMI: U nas biełaruskuju kaŭbasu pradajuć, a dzie ŭ Minsku kramy ź sibirskimi praduktami?
U Novasibirsku dniami zapracavaŭ kirmaš biełaruskich praduktaŭ. Kala ŭvachodu — mabilny punkt dla pryjomu dobraachvotnikaŭ na vajnu.
Na kirmašy biełaruskich tavaraŭ vystaŭlena pradukcyja bolš čym 30 ajčynnych vytvorcaŭ roznaj nakiravanaści. Sibirskaje vydańnie Ngs.ru raspaviało, što ź siabie ŭjaŭlaje novy biełaruski kirmaš i jakija tam ceny.
Apovied pačynajecca z taho, što adrazu na ŭvachodzie (jaki źjaŭlajecca adzinym) kirmaš sustrakaje haściej scenaj, na jakoj vystupajuć tvorčyja kalektyvy, a taksama vialikim banieram z rekłamaj słužby ŭ rasijskaj armii i mabilnym vajskovym punktam dla pryjomu dobraachvotnikaŭ.
Tyja ž, kaho ŭsio heta nie cikavić, mohuć adrazu prajści ŭ samu handlovuju zonu i panakuplać biełaruskaha tekstylu, adzieńnia, kaśmietyki, šakaładu, kaŭbas i syroŭ (adnak zusim niadaŭna Rasija vyrašyła ŭvieści zabaronu na ŭvoz biełaruskich syroŭ, jak jany akazalisia na kirmašy, nieviadoma).
Pry hetym vydańnie Ngs.ru adznačaje, što ŭ Novasibirsku i biez taho pracujuć bolš za 60 śpiecyjalizavanych biełaruskich mahazinaŭ, nie kažučy ŭžo pra toje, što pradukcyja ź Biełarusi tam rehularna sustrakajecca i ŭ zvyčajnych supiermarkietach.
Ažyjataž na kirmašy siarod miascovych pakupnikoŭ — na kandytarskija, syrnyja i kaŭbasnyja vyraby. Tam možna sustreć pradukcyju takich vytvorcaŭ, jak «Cpartak», «Babulin harłačyk», Hrodzienski miasakambinat i inš.
Ceny nastupnyja. Dobry biełaruski šakaład budzie kaštavać nie tańniej za 3 biełaruskija rubli za plitku. Ceny na syry pačynajucca z 22 rubloŭ za kiłahram, a bolšaja častka ź ich kaštuje daražej za 30. Zvyčajnaja varanaja kaŭbasa kaštuje niadoraha, adnak usia dalikatesnaja syravialenaja budzie kaštavać bolš za 50 rubloŭ za kiłahram.
Adnak Ngs.ru taksama źviartaje ŭvahu na toj fakt, što bolšaja častka pradukcyi, jakaja pryvozicca ź Biełarusi, u toj ža miery vyrablajecca i ŭ Sibiry. Rasijskaje vydańnie zadajecca pytańniem, čamu miascovy pakupnik pry padabienstvie tavaraŭ pavinien kuplać «nie svajo» i čamu, naprykład, u Minsku niama nivodnaha handlovaha punkta ź Sibiry.
«Całkam vidavočna, što, kupiŭšy na kirmašy ci ŭ kramie biełaruski alej, kaŭbasu ci syr, novasibirski pakupnik prapuścić pakupku (i nie adnu) tavaraŭ miascovych vytvorcaŭ. Pry hetym u Minsku nivodnaj kramy «Sibirskija pradukty» čamuści niama. Dy i našy ŭłasnyja kirmašy ŭ adkaz u Minsku, dzie biełarusy mahli b kupić kaŭbasu «Handlovaj płoščy», ałtajskija syry i dzikarosy z Tomskaj vobłaści, arhanizavać pakul niejak nie ŭdajecca», — padkreślivaje Ngs.ru.
Biełaruski kirmaš budzie doŭžycca tydzień.
Ciapier čytajuć
Centralnuju rolu ŭ arhanizacyi pieramovaŭ z amierykancami adyhraŭ muž Natalli Piatkievič. Čamu jon?16
Kamientary
heta jak pracaŭniki miasakambinatu nie jaduć kaŭbasu svajho kambinatu... a inšaha mo j jaduć...
Ale i bieź ichniaj travy tut nie sumna.
Usio astatniaje łajno, čym jany kormiać svaich "braťjev pravosłavnych", tut nikoli nie było patrebna, tamu nikoli nichto jaho i nie zavoziŭ siudy. Prapahandysty mohuć skavytać bieź miery, ale biźnies jość biźnies, i nabor mutnych chimikataŭ z nadpisam "śmietannyj produkt" tut nie pradasi jak śmiatanu.