Naprykancy lipienia biełaruskija maładziony atrymali mahčymaść biaspłatna navučacca ŭ halandzkich VNU. U Niderlandach byŭ stvorany fond, jaki vydaje hranty na navučańnie, što pakryvajuć vydatki na žyćcio, apłatu adukacyi i vandroŭki dachaty.
Naprykancy lipienia biełaruskija maładziony atrymali mahčymaść biaspłatna navučacca ŭ halandzkich VNU. U Niderlandach byŭ stvorany fond, jaki vydaje hranty na navučańnie, što pakryvajuć vydatki na žyćcio, apłatu adukacyi i vandroŭki dachaty.
Eŭrapiejskija studenty majuć mahčymaść vandravać pa Eŭropie i atrymoŭvać adukacyju ŭ roznych krainach. Dziela hetaha stvarajucca šmatlikija prahramy. Na žal, biełarusy nie ŭvachodziać amal ni ŭ vodnuju takuju prahramu. Prymajučy da ŭvahi biełaruskaje zakanadaŭstva, jakoje možna nazvać biaźlitasnym da tych, chto vyrašyŭ navučacca za miažoj, dla biełaruskaj moładzi dahetul adnačasova isnavała šmat źniešnich barjeraŭ dla zamiežnaj adukacyi.
Niderlandy zrabili pieršy krok pa źniščeńni źniešniaj izalacyi biełaruskaj moładzi. «Libertas fund» stvorany dla padtrymki moładzi z krainaŭ, jakija ahulna pryznanyja niedemakratyčnymi. Ahulny hadavy biudžet fondu składaje € 1 000 000.
Hrant pakryvaje vydatki na apłatu navučańnia, asnoŭnych žyćciovych vydatkaŭ, strachoŭki i transpartnych vydatkaŭ na dajezd ź Biełarusi na Ukrainu, dzie znachodzicca ambasada Niderlandaŭ.
Hrant vydajecca na 1 hod, tamu studentam nieabchodna padavać zajaŭku na jaho pierad kožnym novym hodam navučańnia. Bakalaŭry i mahistry mohuć atrymać hrant na naminalny termin navučańnia + 1 hod. Tym nia mienš, štohod vydajecca asobny hrant i patrebna štohod padavać zajaŭku na jaho praciah.
Zvyčajnaja akademičnaja prahrama ŭ Halandyi ciahniecca ahułam 4 hady, a hrant dazvalaje 6 hod (bakalaŭr - 3 hady, hrant dazvalaje 4, mahistar - 1 hod, hrant dazvalaje 2 hady).
Abituryjent musić u miežach zvyčajnaj pracedury pastupać u halandzkuju VNU, vykonvajučy ŭsie nieabchodnyja dla hetaha patrabavańni. Adnačasova jon moža padać zajaŭku na atrymańnie hrantu na heta navučańnie ŭ mižnarodny ofis arhanizacyi NUFFIC. Hetaja ž arhanizacyja moža dapamahčy z pošukam nieabchodnych VNU i pradastavić bolš infarmacyi pa-anhielsku pra hrant. Pry atrymańni paviedamleńnia ab zaličeńni, student atrymoŭvaje taksama i hrant.
Taciana Choma, Studenty.by
U Minsku adbylisia masavyja zatrymańni vydaŭcoŭ i kniharaspaŭsiudnikaŭ33
Kamientary