Dom druhoj pałovy ChICh st. pieraškadžaje zabudovie novaha handlova‑ofisnaha centra z padziemnym parkinham u Minsku.
Dom druhoj pałovy ChICh st. pieraškadžaje pabudovie čarhovaha handlova‑ofisnaha centra z padziemnym parkinham na Niamizie, u Minsku. Tamu miaščanski budynak razam z freskami, što jaho ŭpryhožvajuć, pojdzie pad buldozier.
Dom 24a zbudavany ŭ druhoj pałovie XIX st. jak adzin ź flihielaŭ doma 24 pa vuł. Revalucyjnaj. U chutkim na jaho miescy paŭstanie novy budynak z padziemnym parkinham.
Siońnia dom užo całkam padrychtavany dla pracy buldozieraŭ: vokny i dźviery źniatyja, dach taksama razabrany, chacia budaŭniki kažuć, što dazvołu na razbor pakul niama.
Unutry budynka paŭsiudy śmiećcie i ślady žyćcia bamžoŭ. U byłoj uvachodnaj častcy domu siarod źbitaj tynkoŭki - freska‑razmaloŭka.
Jak paviedamili krynicy blizkija da KUP «Minskaja spadčyna» (sučasny ŭładalnik budynka), raspracavany prajekt praduhledžvaje znos budynka i budaŭnictva na jaho miescy novaha abjekta z padziemnym parkinham. Pry hetym kavałak nadziemnaj častki doma ŭvojdzie ŭ novy abjem sučasnaha centra i nieviadoma ci budzie zachavany aŭtentyčny abjem budynka, jaho nadziemnaja cokalnaja i padvalnaja častcy (histaryčny ŭzrovień na 1,5‑2 mietra nižejšy za sučasny).
* * *
Dom 24a zbudavany ŭ druhoj pałovie XIX st. jak adzin ź flihielaŭ doma 24 pa vuł. Revalucyjnaj. Apošnija najbolš viadomyja ŭładalniki doma — siamja Załkindaŭ.
Paśla pažaru 1881 hoda nieadnarazova pierabudoŭvaŭsia. Ź flihiela ŭ dom №24 kaliści byŭ prachod, jaki źniščyli padčas Druhoj cuśvietnaj vajny razam z častkaj doma.
Akramia hetaha flihiela (24a) na placy ŭładalnika Załkinda znachodzilisia jašče adzin flihiel (dom №24b) i haspadarčyja pabudovy, źniščanyja ŭ 1970 paśla prakładki darohi uzdoŭž Niamihi. U vyniku paślavajennych pierabudovaŭ nad častkaj doma źmienieny ŭzroŭni padłohi, prabityja novyja vokny i zakładzieny staryja, uźviedzieny dadatkovy pavierch, padčas tatalnaj pierapłaniroŭki źniščany piečy.
Ciapier čytajuć
U SIZA KDB apynuŭsia Mikałaj Cyrto, fihurant staroj spravy Biełarusbanka. Druhi raz — za palityku1
Kamientary