U siecivie raspaŭsiudžvajecca niebiaśpiečny virus, jaki paražaje MacOS praz sacsietku Telegram
Škodnasnaja prahrama atrymlivaje dostup da makbuka i kradzie sistemnuju infarmacyju, pracoŭnyja fajły, bankaŭskija danyja i paroli ad kryptakašalkoŭ.
Ekśpierty pa kibierbiaśpiecy niadaŭna znajšli novuju škodnasnuju prahramu, jakaja ŭ pieršuju čarhu nacelena na karystalnikaŭ MacOS i ich asabistyja danyja. Pra heta 26 krasavika paviedamiła kampanija Cyble Research, jakaja i vyjaviła virus.
Pa infarmacyi kibierśpiecyjalistaŭ, škodnasnaje prahramnaje zabieśpiačeńnie (PZ) pad nazvaj Atomic macOS Stealer (AMOS) pieršapačatkova pačała raspaŭsiudžvacca praz peŭnyja telehram-kanały, administratary jakich pradajuć virus i jaho mahčymaści za 1000 dalaraŭ u miesiac.
«U hetyja mahčymaści ŭvachodziać pierachop dostupu da MacOS i AppleID karystalnikaŭ razam z kradziažom poŭnaj sistemnaj infarmacyi, parolaŭ, pracoŭnych dakumientaŭ, bankaŭskich dadzienych i «źviazki klučoŭ» u braŭzierach. Aproč hetaha virus AMOS paluje za źmieścivam kryptakašalkoŭ Electrum, Binance, Exodus, Atomic i Coinomi», — paviedamlaje kampanija Cyble Research.
Prahrama taksama daje złamyśnikam veb-panel dla addalenaha kantrolu nad pryładami achviar i sam zychodny kod virusa dla zaražeńnia lubych fajłaŭ farmatu.dmg (standartnaje pašyreńnie dla fajłaŭ apieracyjnaj sistemy MacOS).
Tamu dla abarony asabistych i bankaŭskich dadzienych ekśpierty znoŭ nahadvajuć pra nieabchodnaść ustaloŭvać dadatki i fajły tolki z aficyjnych krynic, jak, naprykład, App Store. Plus da ŭsiaho nieabchodna vykarystoŭvać nadziejnyja paroli, dvuchfaktarnuju aŭtentyfikacyju i paźbiahać pierachodaŭ na sumnieŭnyja spasyłki.
«Biełarusy buduć cichieńka dumać svajo. A vada kamień točyć, dyj Łukašenka fizična nie viečny». Hłyboki manałoh byłoha mytnika Alesia Jurkojcia5
Kamientary