Źjaviŭsia štučny intelekt, jaki ŭmomant uzłomvaje paroli

Kampanija pa abaronie asabistych danych Home Security Heroes na dniach pratestavała niejrasietku PassGAN, jakaja zdolna ŭmomant uzłomvać kožny druhi zvyčajny parol u internecie.

Dla dasiahnieńnia takoha vysokaha navyku štučny intelekt byŭ pierad hetym natreniravany na bolš čym 15 młn ulikovych zapisach i źlitych u sietku parolach karystalnikaŭ pa ŭsim śviecie.

Vyniki adpaviednaha daśledavańnia kampanija apublikavała na svaim aficyjnym sajcie.

Zhodna ź imi, niejrasietka PassGAN zmahła ŭzłamać 51% standartnych parolaŭ u internecie mienš čym za chvilinu. 

Za hadzinu hety pakazčyk pavialičyŭsia da 65%. 

Za dzień — užo da 71%.

Za miesiac pracent paśpiachovych uzłomaŭ dasiahnuŭ 81%.

Pry hetym paroli, jakija składajucca tolki ź ličbaŭ, uzłomlivajucca praściej za ŭsio (lubyja kambinacyi ad 1 da 11 ličbaŭ niejrasietka łamaje za 1 siekundu, a na 18 ličbaŭ joj spatrebicca ŭžo 10 miesiacaŭ).

A kali paroli adnačasova składajucca i ź ličbaŭ, i ź vialikich i małych litar, i sa śpiecyjalnych simvałaŭ (praciažnik, @, # i h. d.), to ich padabrać stanovicca značna ciažej. Čas ich uzłomu moža dasiahać ad niekalkich siekund da niekalkich kvadryljonaŭ hadoŭ u zaležnaści ad daŭžyni kambinacyi.

Darečy, sam sajt kampanii daje mahčymaść pravieryć vašyja paroli na chutkaść ich mahčymaha ŭzłomu z boku niejrasietki, adnak my nie rekamiendujem uvodzić tudy vašyja asnoŭnyja i aktualnyja paroli (dla pravierki lepiej vykarystoŭvać tolki padobnyja da ich, albo staryja, albo ŭvohule vypadkovyja).

Pavialičyć

U dadatak da hetaha kampanija Home Security Heroes, akramia publikacyi daśledavańnia, dała karysnyja parady, jak abaranić svaje ŭlikovyja zapisy i asabistyja danyja ad uzłomu.

• Vykarystoŭvajcie nie mienš za 15 simvałaŭ. U paroli pavinna być jak minimum dźvie litary (vialikaja i małaja), ličby i śpiecyjalnyja znaki.

• Paźbiahajcie vidavočnych i padobnych adno da adnaho šabłonaŭ parolaŭ, navat kali jany majuć usie patrabavanyja typy simvałaŭ i daŭžyniu.

• Źmianiajcie paroli na vašych akaŭntach kožnyja 3—6 miesiacaŭ.

• Nikoli nie vykarystoŭvajcie adzin parol adrazu dla niekalkich ulikovych zapisaŭ.

• Stvarajcie paroli pry dapamozie aŭtamatyzavanych hienierataraŭ ličbaŭ i simvałaŭ. 

Ad siabie tolki nahadajem, što taksama vielmi važna ŭsiudy, pa mahčymaści, vykarystoŭvać dvuchfaktarnuju aŭtentyfikacyju. 

Plus da ŭsiaho my pakiniem tut našyja ŭłasnyja asnoŭnyja instrukcyi, jak zaścierahčy siabie i svaje asabistyja danyja va ŭmovach ciapierašniaj situacyi ŭ Biełarusi.

1. Jak zarehistravać ananimnyja akaŭnty ŭ Telegram, sacsietkach i inšych miesiendžarach — padrabiazny hajd
   
   
2. Jak nadziejna vyčyścić foty z vašych smartfonaŭ — padrabiazny hajd
   
   
3. Jak abaranić siabie i svoj akaŭnt u WhatsApp: pakrokavy hajd
   
   
4. Karotki hajd, jak zrabić ułasny VPN za paru chvilin i nul vydatkaŭ
   
   
5. Ja vydaliŭ Telegram-akaŭnt. Ja ŭ biaśpiecy?
   
   
6. Viber narešcie stvaryŭ dvuchfaktarnuju aŭtentyfikacyju. Raspaviadajem, jak jaje naładzić, — pakažycie heta starejšym ludziam

• 5
• 3
• 12
• 0
• 5