U Niderłandach zatrymali kiroŭcu z padroblenymi ŭkrainskimi pravami na imia Borysa Džonsana
U niderłandskim horadzie Hroninhienie palicyja aryštavała mužčynu, jaki jechaŭ pa horadzie ŭ stanie ałkaholnaha apjanieńnia. Kali jon byŭ aryštavany, palicyja znajšła pravy kiroŭcy na imia Borysa Džonsana, piša nos.nl.
Akramia imieni, fatahrafija, data i miesca naradžeńnia taksama adpaviadajuć danym byłoha premjer-ministra Vialikabrytanii. Termin dziejańnia dakumienta taksama vyklikaŭ pytańni: pravy kiroŭcy byli sapraŭdnyja da 3000 hoda.
Palicyja kanfiskavała padroblenyja pravy kiroŭcy, paviedamlaje miascovy telekanał OOG TV.
Pravy kiroŭcy padobnyja na ŭkrainskija, ale nieviadoma, ci maje kiroŭca, jaki vydaje siabie za Džonsana, ukrainskaje hramadzianstva.
U tvitary pišuć, što va ŭkrainskich turystyčnych kramach pradajucca varyjanty vadzicielskich paśviedčańniaŭ viadomych asob.
Kamientary