Zdymak nosić ilustracyjny charaktar. Fota: bundespolizei.de
U paniadziełak 1 maja kala 14:00 vartavyja paradku padvierhli kantrolu hrupu ź siami čałaviek na moście ŭ Frankfurcie-na-Odery. Imi akazalisia šeść siryjcaŭ i adzin samalijec va ŭzroście ad 19 da 51 hoda, u jakich nie było dakumientaŭ, jakija paćviardžajuć zakonnaść znachodžańnia ŭ krainie.
Hrupa da hetaha była vysadžana na polskim baku dvuma mužčynami. Apieratyŭnikam udałosia aryštavać u Słubicy adnaho ź ich — našaha suajčyńnika. Druhomu čałavieku ŭdałosia ŭciačy.
U dačynieńni da siryjcaŭ i samalijca raspačali spravu ab niezakonnym ujeździe i znachodžańni na terytoryi Niamieččyny. Mihranty padali prašeńni ab pradstaŭleńni im prytułku, tamu ich nakiravali ŭ pieršasny punkt pryjomu biežancaŭ u ziamli Brandenburh.
U dačynieńni da zatrymanaha kiroŭcy pačali rasśledavańnie pa padazreńni ŭ niezakonnym uvozie zamiežnikaŭ. Dalejšuju pracu pa spravie ŭziała na siabie polskaja pamiežnaja słužba.
Čytajcie taksama:
Biełarus i ŭkrainka zahinuli ŭ aŭtakatastrofie ŭ Polščy, jedučy sa spatkańnia
U Aŭstryi biełarus na fury ŭrezaŭsia ŭ lehkavik, za rulom jakoha byŭ 87-hadovy miascovy žychar
U Dziusieldorfie biełarus paraniŭ žonku nažom. Jaho łavili 10 palicejskich mašyn
