2 maja pamior viadomy ŭ minułym polski lohkaatlet, udzielnik Alimpijskich hulniaŭ Jaŭhien Bedeničuk. Jon pachodziŭ z pravasłaŭnaj vioski na Padlaššy i pracavaŭ u biełaruskamoŭnaj škole, piša «Radyjo Racyja».
Jaŭhien Bedeničuk naradziŭsia ŭ vioscy Lachi Hajnaŭskaha pavieta. Zaniatki sportam i lohkaj atletykaj jon pačaŭ u škole ŭ Hajnaŭcy, a paśla vystupaŭ za roznyja biełastockija kłuby.
Śpiecyjalizacyjaj Bedeničuka byŭ trajny skačok, a roskvit jaho karjery prypaŭ na kaniec 1980-ch i pačatak 1990-ch hadoŭ. Jon byŭ dvuchrazovym čempijonam Polščy (pa adnamu razie na stadyjonie i ŭ zale), taksama piać razoŭ zavajoŭvaŭ inšyja ŭznaharody.
U 1990 hodzie Bedeničuk braŭ udzieł u čempijanacie Jeŭropy ŭ Splicie, dzie vyjšaŭ u finał, u 1991-m udzielničaŭ u čempijanacie śvietu ŭ Tokia. A na Alimpijskich hulniach u Barsiełonie ŭ 1992 hodzie jon pakazaŭ vysoki vynik 16,92 u kvalifikacyjnych sprobach i ź piatym vynikam vyjšaŭ u finał, dzie, praŭda, zaniaŭ tolki apošniaje, 12-je miesca (16,23).
U 1991 hodzie jon taksama z vynikam 16,82 m staŭ uładalnikam Kubka Jeŭropy (16,82 m). A asabisty rekord Bedeničuka — 17,08 m — na hety momant čaćviorty vynik u historyi polskaha trajnoha skačku.
Paśla zakančeńnia spartyŭnaj karjery Jaŭhien Bedeničuk byŭ vychavacielem moładzi, pracavaŭ nastaŭnikam fizkultury ŭ škołach Bielska-Padlašskaha. Adnym ź miescaŭ jaho pracy byŭ II ahulnaadukacyjny licej imia Branisłava Taraškieviča ź biełaruskaj movaj navučańnia.
Jaŭhienu Bedeničuku było 62 hady.
Ciapier čytajuć
Cichanoŭski na mitynhu ŭ Varšavie: Ja złamaju hety režym VIDEA4
Kamientary