U Sierbii małady čałaviek adkryŭ ahoń z aŭtamabila, zabiŭšy prynamsi 8 čałaviek i paraniŭšy 13 čałaviek. Nadzvyčajnaje zdareńnie adbyłosia niepadalok ad Białhrada pozna ŭviečary ŭ čaćvier. Heta stała druhim masavym zabojstvam u Sierbii za apošnija dva dni, paviedamlaje «Ukrainskaja praŭda».
21-hadovy chłopiec stralaŭ pa ludziach kala horada Mładenavac, prykładna za 50 kiłamietraŭ na poŭdzień ad stalicy. Palicyja jaho šukaje.
Stralba adbyłasia na nastupny dzień paśla taho, jak 13-hadovy chłopčyk, vykarystoŭvajučy zbroju svajho baćki, zładziŭ stralbu ŭ škole ŭ Białhradzie, u vyniku jakoha zahinuli vosiem jaho adnakłaśnikaŭ i školny achoŭnik.
Ministr unutranych spraŭ Sierbii Bracisłaŭ Hašyč nazvaŭ stralaninu ŭ čaćvier «terarystyčnym aktam».
Da apieracyi pa zatrymańni padazravanaha pryciahnutyja śpiecpadraździaleńni palicyi i viertaloty, a taksama karety chutkaj dapamohi.
Nijakich inšych padrabiaznaściaŭ pakul nieviadoma, i palicyja nie zrabiła nijakich zajavaŭ.
-
Na abvinavačańni ŭ chłuśni Atlantic apublikavaŭ novyja skrynšoty z uradavaha čata ŭ Signal. Tramp adkazaŭ novymi abrazami ŭ adras hałoŭnaha redaktara
-
Zialenski spadziajecca, što ZŠA nie sastupiać patrabavańniam Rasii ab źniaćci sankcyj
-
Novaja apieracyja handlovaj vajny: Donald Tramp uvodzić 25-pracentnyja pošliny na impart aŭtamabilaŭ
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść6
Kamientary