Z rasijskaha rynku moža źniknuć bytavaja technika viadomych zamiežnych brendaŭ
Paśla taho, jak Kazachstan z 1 krasavika zrabiŭ bolš strohim kantrol za pastaŭkami elektroniki ŭ Rasiju, dystrybjutary ŭ łahistyčnych łancužkach źmianiajuć krainy ŭvozu na Kitaj, Kyrhyzstan i AAE. Heta moža pryvieści da admieny pastavak praz hetu krainu, piša «Kommiersant».
Z-za ŭzmacnieńnia strohaści kantrolu pastavak elektroniki ŭ RF kazachstanskim uradam dystrybjutary pačali mianiać krainy ŭvozu na Kitaj, Kyrhyzstan, AAE, što pavialičvaje canu kančatkovaj pradukcyi na 10—12%, padličyli ŭ łahistyčnych kampanijach. Praz Kazachstan išli pastaŭki bytavoj techniki i z Uźbiekistana. Hetyja dźvie krainy byli najbujniejšymi imparciorami elektroniki ad Samsung, LG, Bosch, Electrolux i inš. Dystrybjutary zajaŭlajuć, što zakuplać padobnuju techniku ŭ novych cenavych umovach stanovicca nierentabielna.
Pra toje, što Kazachstan nie dazvolić vykarystoŭvać jaho jurysdykcyju dla abychodu antyrasijskich sankcyj, zajaviŭ u pačatku krasavika namieśnik ministra zamiežnych spraŭ respubliki Raman Vasilenka.
Rasijskija ŭłady lehalizavali pastaŭku pradukcyi biez dazvołu pravaŭładalnika, abo tak zvany paralelny impart, u lipieni 2022 hoda paśla taho, jak šerah pastaŭščykoŭ na fonie sankcyj abmiežavaŭ pastaŭki svajoj pradukcyi ŭ RF, u tym liku Samsung, LG, Apple, Bosch i inš. Abjom paralelnaha impartu, pa danych urada RF, skłaŭ amal $22 młrd pa vynikach 2022 hoda.
Rašeńnie Kazachstana pierakryć paralelny impart u RF uskładniaje i pastaŭki z Uźbiekistana, tak jak hruz z hetaj krainy pierasiakaje Kazachstan.
Kali Kazachstan kančatkova pierakryje tranzit pastavak techniki, to tavary, pryznačanyja dla rynku JEAES, stanie niavyhadna vazić u Rasiju, bo ich košt dla kančatkovaha pakupnika značna vyraście, kaža krynica siarod dystrybjutaraŭ. Praz Kazachstan idzie vialiki patok bujnoj bytavoj techniki z Uźbiekistana. Z-za vialikich habarytaŭ jaje transparciroŭka i tak darahaja, a zakryćcio pramoha tranzitu tolki pahłybić hetuju prablemu, bo jość składanaści z hrašovymi pieravodami va Uźbiekistan.
U cełym, ličyć jon, zabarona tranzitu moža pryvieści da taho, što tavary suśvietnych brendaŭ stanie niavyhadna vazić paralelnym impartam, a spažyŭcu zastanucca kitajskija tavary, jakija pastaŭlajucca ŭ Rasiju aficyjna, i ajčynnyja brendy.
-
Paśla pravalnych teledebataŭ Džo Bajden paabiacaŭ bolš spać i nie chadzić na viačernija mierapryjemstvy
-
«Nie źviartać uvahi na mierkavańni marali na karyść kreatyŭnaści». Uzłamana pierapiska supracoŭnikaŭ rasijskaj raźviedki
-
Siarod rasijan zafiksavali rost kolkaści prychilnikaŭ mirnych pieramovaŭ z Ukrainaj
Tracina pamiłavanych palitviaźniaŭ i tak pavinny byli vyjści na svabodu ciaham miesiaca5
Tracina pamiłavanych palitviaźniaŭ i tak pavinny byli vyjści na svabodu ciaham miesiaca
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie3
Kamientary