Załužny pra pieramohu Ukrainy: Zamała tolki vyzvaleńnia akupavanych terytoryj
Hałoŭnakamandujučy Uzbrojenych sił Valeryj Załužny raspavioŭ, što dla pieramohi Ukrainy zamała tolki vyzvaleńnia ŭsioj akupavanaj terytoryi Ukrainy. Pra heta jon zajaviŭ u intervju Dźmitryju Kamarovu «Hod. Za kadram», piša «Ukrainskaja praŭda».
«Naša pieramoha źjaŭlajecca adnaznačnym vyzvaleńniem usioj akupavanaj terytoryi Ukrainy. Usia terytoryja pavinna być vyzvalenaja. Ale hetaha jašče mała. Ukraina jak dziaržava pavinna zrabić usio, kab usio, što adbyłosia i pačałosia 24 lutaha 2022 hoda, nikoli ŭ žyćci nie paŭtaryłasia.
Heta pavinna być adbudavanaja takaja vajskovaja instytucyja, jakaja nikoli, nu prynamsi stolki, kolki buduć chacieć ukraincy žyć u miry i spakoi, nikoli nie daść mahčymaści rasijanam paŭtaryć usio.
Pieramoha heta dla nas — vyzvalenaja terytoryja i mahutnyja zvyšsučasnyja i, mabyć, vielmi bujnyja ŭzbrojenyja siły, bajazdolnyja, jakija nie daduć Rasijskaj Fiederacyi paŭtaryć toje, što adbyłosia i toje, što adbyvajecca ciapier.
Voś i jość pieramoha. I suśvietnaja historyja viedaje dziaržavy, jakija žyvuć i zaŭsiody pakazvajuć svaimi pavodzinami toje, što «lepš nie čapać».
«Dziaržava Ukraina pavinna stać mienavita takoj», — reziumavaŭ hienierał Załužny.
«Halijaf zachistaŭsia». Załužny nie pryjechaŭ na pasiadžeńnie Vajskovaha kamiteta NATO z-za situacyi na froncie
Ukrainski Manerhiejm. Chto jon, hienierał Załužny, i čamu jaho taktyku ciapier vyvučajuć va ŭsim śviecie
Va Ukrainie novy hieroj: 21-hadovy bajec, jaki adbiŭ ataku vialikaj hrupy rasijan. Jaho ŭznaharodziŭ sam Załužny
Ciapier čytajuć
Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej11
Kamientary