Šolc bačyć metaj advod rasiejskich vojskaŭ z ukrainskaj terytoryi, «tamu što biez hetaha naohuł niama pra što havaryć». Nielha dapuścić, što «bolš mocnaja i mahutnaja kraina napadaje na bolš słabuju i prosta zachoplivaje jaje terytoryju».
Kancler FRH Ołaf Šolc zajaviŭ, što Uładzimir Pucin choča zrabić Ukrainu i Biełaruś častkami Rasiei. Heta prahučała padčas siońniašniaj sumiesnaj pres-kanfierencyi z prezidentam Ukrainy Uładzimiram Zialenskim, jaki znachodzicca ŭ Niamieččynie ź vizitam.
«My budziem padtrymlivać Ukrainu i pra heta treba kazać pastajanna i ŭsiudy. Ukraina hatovaja da miru, ale Ukraina, całkam zrazumieła i całkam apraŭdana, patrabuje, kab heta nie aznačała niejkaha zamarožvańnia vajny i dyktatu z boku Rasiei.
Havorka idzie pra impieryjalistyčny ahresiŭny napad na ŭkrainskuju terytoryju, i tamu mir i biaśpieka Jeŭropy ŭ niebiaśpiecy. U niebiaśpiecy, tamu što bolš mocnaja i mahutnaja kraina napadaje na bolš słabuju i prosta zachoplivaje jaje terytoryju. Płany rasiejskaha prezidenta vidavočnyja. Prosta varta pačytać jaho teksty i pasłuchać, što jon kaža. Jon ličyć, što Ukraina i Biełaruś pavinny stać častkami Rasiei. I napad na Ukrainu — heta častka impieryjalistyčnaj zadumy. Śviet heta dobra zrazumieŭ», — zajaviŭ Šolc.
Šolc bačyć metaj advod rasiejskich vojskaŭ z ukrainskaj terytoryi, «bo biez hetaha naohuł niama pra što kazać».
Šolc čarhovy raz paabiacaŭ, što Niamieččyna budzie padtrymlivać Ukrainu «stolki, kolki spatrebicca». Ën vykazaŭ nadzieju, što vajna chutka skončycca dziakujučy dapamozie sajuźnikaŭ. Adnosiny pamiž Ukrainaj i Hiermanija jon acharaktaryzavaŭ jak «vielmi dobryja», piša Reform.by.
Novy pakiet zbroi ad Hiermanii budzie najbolšym za čas vajny — na 2,7 miljarda jeŭra. Asabliva važnyja — novyja niamieckija kompleksy supraćpavietranaj abarony IRIS.
U svaju čarhu, prezident Ukrainy Uładzimir Zialenski na pres-kanfierencyi pryhoža pažartavaŭ u adkaz na pytańnie, ci chopić Ukrainie zbroi dla kontrnastupleńnia: «Jašče niekalki vizitaŭ, i ŭsio».
U Bierlinie Zialenski sustreŭsia nie tolki z kancleram Šolcam, a i z prezidentam Štajnmajeram. Kožny taki vizit spryjaje mabilizacyi hramadskaj dumki.
Učora kiraŭnik Ukrainy naviedaŭ Rym i Vatykan.
Byłaja deputatka Maryja Vasilevič sabrałasia zamuž FOTA12
Kamientary