Svabodnym mastakam prapanavali «dobraachvotna» zaklučyć dahavor z Kamaroŭskim rynkam ci vymiatacca preč z Kastryčnickaj płoščy.
Svabodnym mastakam prapanavali «dobraachvotna» zaklučyć dahavor z Kamaroŭskim rynkam ci vymiatacca preč z Kastryčnickaj płoščy.
Mastakam «Mienskaha vernisažu» padaryli ŭ śniežni novy hałaŭny bol. Raniej, kab handlavać karcinami ci ramiesnymi vyrabami, dastatkova było zarehistravacca pryvatnym pradprymalnikam, rabić adličeńni «Asacyjacyi svabodnych mastakoŭ» za karystańnie kameraj zachoŭvańnia dy inšyja drobiazi. Ciapier patrebna jašče płacić i Kamaroŭskamu rynku — nieviadoma za što. Kožnamu prapanavali «dobraachvotna» zaklučyć dahavor z Kamaroŭkaj ci vymiatacca preč z Kastryčnickaj płoščy.
Rynak budzie brać za handlovaje absłuhoŭvańnie — 36 tys. rub. Niaciažka padličyć, što u takim vypadku za hod mastaki addaduć Kamaroŭcy 40 tys. dalaraŭ. U dyrekcyi Kamaroŭskaha rynku śćviardžajuć, što, kali spaduć emocyi, ludzi ŭbačać realnuju karyść ad novaŭviadzieńniaŭ.
Ciapier pry žadańni zajmacca prodažam treba z ranicy biehčy na Kamaroŭku, tam daviedvacca, na jakim miescy dazvolać handlavać (kali ŭvohule dazvolać), i tolki paśla iści na «Vernisaž» (naprastki pa karcie 2 km) i vystaŭlać svaje karciny na prodaž. Baraćba za miescy budzie jašče taja.
Mabyć, u chutkim časie na «Mienskim vernisažy» handlavać našymi karcinami i ramiostvami buduć upieramiežku z apelsinami i kiłbasami. Mienskich mastakoŭ tam, kaniečnie, taksama možna budzie sustreć — ź miotłami.
Ciapier čytajuć
Usich studentak biełaruskich VNU abaviazali terminova zapoŭnić ankietu z paznačeńniem svajho rostu43
Kamientary