Hramadstva44

Na miedycynskija pieraabśledavańni daterminova vyklikajuć raniej pryznanych nieprydatnymi dla słužby ŭ vojsku ŭ mirny čas — «Zierkało»

Vydańnie «Zierkało» na padstavie infarmacyi, atrymanaj ad svaich čytačoŭ, piša pra toje, što ŭ biełaruskija vajenkamaty stali zaprašać na paŭtornyja miedahlady.

Zdymak ilustracyjny. Fota: ahienctva «Vajar»

20-hadovaha Viktara, jaki žyvie ŭ nievialikim horadzie Viciebskaj vobłaści, vyklikajuć u vajenkamat užo ciapier, choć u 2021 hodzie jon atrymaŭ status nieprydatnaści da słužby ŭ mirny čas ź pieraabśledavańniem kožnyja try hady. Termin jaho minaje vosieńniu 2024-ha, ale źjavicca zahadali ŭžo ciapier.

Tłumačać heta tym, što ŭ lutym, maŭlaŭ, źmianili śpis chvarob, jakija dazvalajuć pryznavać čałavieka nieprydatnym. Spačatku patelefanavali na pačatku maja i zapytalisia, ci nie chacieŭ by jon da ich pryjści, bo «čym raniej adsłužyš, tym lepš», a paśla admovy chłopca ŭ siaredzinie traŭnia jamu znoŭ patelefanavali i skazali terminova pryjści biez prava na admovu.

Pozvu Viktaru nie dasłali, a kali jon pryjšoŭ u vajenkamat, jaje dali ŭžo tam. Ciapier jon prachodzić ahlad: prajšoŭ niekalki lekaraŭ u paliklinicy, a paśla skazali lehčy ŭ balnicu, kab paćvierdzić dyjahnaz.

Padobnaja situacyja adbyłasia i z 21-hadovym Andrejem, jaki taksama žyvie ŭ adnym z rajonnych haradoŭ Viciebskaj vobłaści. Jon pavinien byŭ by pa hrafiku pryjści na pieraahlad uvosień, ale jamu skazali, što abaviazkova treba prosta ciapier.

Pa zvanku jon nie pajšoŭ i na hety numar vyrašyŭ nie adkazvać, ale paśla hetaha Andreju dasłali pozvu na miesca pracy. Pakul nie chadziŭ, ale i ŭchilicca mahčymaści nie bačyć. Prytym jaho chvaroba (prablema z sasudami) usio adno nibyta nie patrapiła pad karekciroŭku, tamu jon nie razumieje, čamu jaho tak śpiešna treba vyklikać.

Abodva surazmoŭcy «Zierkała» raskazali, što viedajuć jašče niekalki padobnych vypadkaŭ. Naprykład, na pieraahlad praz telefon vyklikali znajomaha Viktara. Małady čałaviek ź Minska i taksama nie prydatny ŭ mirny čas. U vajenkamat jon pakul iści nie źbirajecca — čakaje pozvu. U Andreja takich znajomych niama, ale jon kaža, što historyi pra terminovy miedahlad ludziej, jakija nie prydatnyja ŭ mirny čas, jon taksama čuŭ nie raz. 

Sproby daviedacca pra heta bolš padrabiazna ŭ vajenkamatach pośpiechu nie mieli, tam abyšlisia ahulnymi słovami. 

Kamientary4

  • NHM
    18.05.2023
    RVK PNCH
  • Maks
    19.05.2023
    Eto oni prosto kak v Finlandii riešili. Tam 80% słužat, u nas 80% kosiat i vobŝiem pravilno diełajut.
  • Fieliks
    20.05.2023
    łukašenka i pucin heta vajna,
    Posłať to možno,no u nich za śpinoj MVD,KHB s dubinkami i ručnyje sudy.Trudno čto to triebovať s naroda v rabstvie kromie rievolucii.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Usie naviny →
Usie naviny

Biespracoŭnych užo vyklikajuć u milicyju pozvami — čamu heta niezakonna7

HUBAZiK sfatahrafavaŭ zatrymanych z padroblenymi pašpartami Novaj Biełarusi20

HUBAZiK zajaviŭ pra zatrymańnie dvuch mahiloŭcaŭ: nibyta jany jechali ŭ krainu z pašpartami Novaj Biełarusi15

Ad čajavańnia z abarankami da piesień pra «hierojaŭ SVA». Jak Ruski dom prynosić u Hrodna ruski śviet17

Biełaruski viertalot Mi-24 źbiŭ rasijski bieśpiłotnik, jaki lacieŭ va Ukrainu8

Zabojstva pałkoŭnika SBU ŭ Kijevie ździejśnili hramadzianie Azierbajdžana6

Žychary ahraharadka źviarnulisia da Łukašenki: dziciačy sadok zakryvajuć, a małych, navat dvuchhadovych, buduć vazić za 20 km10

Jak žyvie prosty minski zvarščyk, jaki vyjhraŭ try miljony rubloŭ5

Kudy addać sioleta svaich dziaciej, kab jany vučylisia pa-biełarusku1

bolš čytanych navin
bolš łajkanych navin

Tramp: 17 sistem Patriot adpravim va Ukrainu9

Tramp: 17 sistem Patriot adpravim va Ukrainu

Hałoŭnaje
Usie naviny →

Zaŭvaha:

 

 

 

 

Zakryć Paviedamić