MUS Rasii abviaściła ŭ vyšuk amierykanskaha sienatara za słovy ź videazapisu, jaki byŭ admysłova zmantavany
MUS Rasii abviaściła ŭ vyšuk amierykanskaha sienatara Lindsi Hrema pa kryminalnym artykule, a kiraŭnik Śledčaha kamiteta Alaksandr Bastrykin daručyŭ raspačać kryminalnuju spravu «pa fakcie rusafobskich vykazvańniaŭ amierykanskaha sienatara». Padstavaj staŭ zmantavany aŭdyjazapis.
Skandał u rasijskaj prastory vyklikaŭ videazapis sustrečy z prezidentam Ukrainy, na jakoj sienatar Hrem nibyta skazaŭ, što śmierć rasiejcaŭ — «najlepšaje, na što my tracili hrošy».
Na videa jość taki dyjałoh na anhlijskaj movie, pieradaje «Mieduza»:
Zialenski: Free or die (Svabodnyja ci miortvyja).
Hrem: Free or die (Svabodnyja ci miortvyja).
Zialenski: Now we are free. And we will be (Ciapier my volnyja. I my budziem svabodnymi).
Hrem: Yes. And Russians are dying (Tak. I rasiejcy pamirajuć).
It's the best money we ever spent (Heta najlepšaje, na što my tracili hrošy).
Pamiž frazami Hrema pra rasiejcaŭ i vydatki prykmietnaja mantažnaja sklejka. Paźniej ofis prezidenta Ukrainy paćvierdziŭ Reuters, što zapis byŭ zmantavany.
U poŭnaj viersii razmovy, ź jakoj aznajomiłasia Reuters, Hrem raskazvaje Zialenskamu, što supraciŭleńnie ŭkraincaŭ nahadvaje jamu pra tyja časy, kali amierykancy zmahalisia da apošniaha čałavieka, «my chacieli abo być svabodnymi, abo pamierci». Zialenski ŭ adkaz kaža, što ciapier amierykancy volnyja, ukraincy taksama buduć volnymi. Sienatar praciahvaje: «A ruskija pamirajuć». «Tak, ale jany pryjšli na našu terytoryju. My nie vajujem na ich terytoryi», — adkazvaje jamu prezident Ukrainy.
Fraza «Heta najlepšaje, na što my tracili hrošy», jakaja ŭ zmantavanym vyhladzie stajała paśla słoŭ «ruskija pamirajuć» i vyklikała burnuju reakcyju rasijskich uładaŭ, u hetaj častcy razmovy nie hučała.
Sam Hrem u piśmovym kamientary, dasłanym Reuters, zajaviŭ, što «rasijskaja mašyna prapahandy, jak zvyčajna pracuje na znos», dadaŭšy, što «dla Złučanych Štataŭ dapamoha ŭ vyzvaleńni Ukrainy ad rasijskich vajskovych złačyncaŭ stała dobraj inviestycyjaj».
Sałaŭjoŭ zaklikaŭ pasadzić Hirkina, a Hirkin — Pryhožyna. Rasijskija prapahandysty šukajuć adkaz na pytańnie, chto vinavaty
Čamu Markaŭ nie Sałaŭjoŭ. Čym adroźnivajecca biełaruskaja i rasijskaja prapahanda
Pryhožyn zajaviŭ, što Rasija «abasrałasia», a «ŭkraincy adny z najmacniejšych u śviecie
Hirkina-Strałkova paśla danosu praviarajuć nakont dyskredytacyi rasijskaj armii
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary